كەي جاعدايلاردا زەينەتكە شىققانعا دەيىن الۋعا بولادى.
مىسالى تۇرعىن ءۇي جاعدايىن جاقسارتۋ نەمەسە ەمدەۋ اقىسىن تولەۋ ءۇشىن پايدالانۋ مۇمكىندىگى قاراستىرىلعان، دەپ حابارلايدى Almaty-akshamy.kz
زەينەتاقى شوتىندا ارتىق اقشا بولسا، قازاقستاندىقتار بۇل قاراجاتتى باسپانا ساتىپ الۋعا نەمەسە ەمدەلۋ ءۇشىن پايدالانا الادى. 785 مىڭنان استام سالىمشىنىڭ وسىنداي مۇمكىندىگى بار.
ءبىرىڭعاي جيناقتاۋشى زەينەتاقى قورىنداعى (بجزق) اقشانى كەي جاعدايلاردا زەينەتكە شىققانعا دەيىن الۋعا بولادى. مىسالى تۇرعىن ءۇي جاعدايىن جاقسارتۋ نەمەسە ەمدەۋ اقىسىن تولەۋ ءۇشىن پايدالانۋ مۇمكىندىگى قاراستىرىلعان.
مۇنداي مۇمكىندىك قوردىڭ بارلىق سالىمشىسىنا بەرىلمەيدى. سەبەبى جيناقتاۋ سوماسى بەلگىلەنگەن تومەنگى جەتكىلىكتىلىك شەگىنەن اسسا عانا قازاقستاندىق ازاماتتار جوعارىدا ايتىلعان ماقساتتار بويىنشا اقشانى پايدالانا الادى.
2024 جىلدىڭ العاشقى ءۇش ايىندا ءبىرىڭعاي جيناقتاۋشى زەينەتاقى قورى (بجزق) ارقىلى تۇرعىن ءۇي جاعدايىن جاقسارتۋعا جالپى سوماسى 50،4 ملرد تەڭگەگە 48،6 مىڭ ءوتىنىش وڭدەلگەن.