مارافونشى ءوز ساپارىن اتىراۋدان باستاماق
قازاقستاننىڭ بۇكىل ءوڭىرىن جاياۋ ارالاپ شىققان 72 جاستاعى سارسەنباي قوتىراشيەۆ ەندى الەم ەلدەرىنە ساياحات جاساماق. بۇل تۋرالى جيھانگەز ءوزىنىڭ الەۋمەتتىك جەلىدەگى پاراقشاسىندا جازدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«وزدەرىڭىز بىلەتىندەي، وتكەن جىلى ءوز ومىرىمدە جاڭا قادام باستاپ، جاياۋ ءجۇرىپ ءوتتىم. جۇرگەن جەرىمدە مەنى تاڭ قالدىرعان، قۋانتقان جانە بۇرىن باستان كەشىرمەگەن ەرەكشە ەموسيالارعا كوز جەتكىزدىم. ءبىرىنشى ەكسپەديسيام ءساتتى اياقتالدى. بۇل ساپارىمدا جوسپارلاعان مەرزىمنەن بۇرىن كوزدەگەن مەجەگە جەتكەن ءساتتى جەتىستىك بولدى. 72 جىل ىشىندە العاش رەت تۋعان ەلىمىزدىڭ كوپتەگەن كورىكتى جەرلەرىن ارالاپپىن. ەندىگى كەزەكتە ونىڭ شەڭبەرىنەن شىعىپ، جەر شارىن اينالىپ شىعۋدى ءجون كوردىم. ويتكەنى، ءبىر جولدىڭ سوڭى - قاشاندا جاڭا جولدىڭ باسى»، - دەپ جازدى سارسەنباي قوتىراشيەۆ ءوزىنىڭ ءىnstagram پاراقشاسىندا.
مارافونشى ءوز ساپارىن اتىراۋدان باستاپ، ورتا جانە سولتۇستىك جارتى شارداعى 14 ەلدى ارالاپ، وسكەمەندە اياقتاۋدى جوسپارلاپ وتىر.
ەسكە سالايىق، سارسەنباي قوتىراشيەۆ بىلتىر قازاقستاننىڭ بارلىق وڭىرلەرىن جاياۋ ارالاپ شىققان ەدى.
ول ءوز ساياحاتىن ۇلىتاۋدان باستاپ، اقتاۋدا اياقتادى. وسى ارالىقتا جيھانكەز 8 مىڭ شاقىرىمنان اسا قاشىقتىقتى ءجۇرىپ وتكەن.