قازاقستان رەسپۋبليكاسى قارۋلى كۇشتەرىنىڭ قۇرىلعانىنا 30 جىل تولۋىن مەرەكەلەۋ اياسىندا قالادا ءتۇرلى ءىس-شارالار ۇيىمداستىرىلادى، دەپ حابارلايدى Almaty-akshamy.kz.
وتان قورعاۋشىلار كۇنى قارساڭىندا الماتىنىڭ بارلىق مەكتەپتەرىندە «ەرلىك ساباقتارى»، سىنىپ ساعاتتارى، مانەرلەپ وقۋ جانە ەسسە بايقاۋلارى وتەدى.
مەرەكە قارساڭىندا ىشكى ىستەر، قورعانىس، توتەنشە جاعدايلار ورگاندارىنىڭ ەرەكشە كوزگە تۇسكەن قىزمەتكەرلەرىنە العىس حاتتار تابىس ەتىلەدى.
الماتىدا ءۇش كۇن بويى، 7-9 مامىر ارالىعىندا، قىزمەتتىك مىندەتتەرىن اتقارۋ كەزىندە قازا تاپقان ساربازداردىڭ ەسكەرتكىشتەرىنە گۇل شوقتارىن قويۋ ءراسىمى وتەدى.
7 مامىردا ساعات 16.00-دە رەسپۋبليكا سارايىندا وتان قورعاۋشىلار كۇنىنە جانە ق ر قارۋلى كۇشتەرىنىڭ 30 جىلدىعىنا ارنالعان سالتاناتتى ءىس-شارا وتەدى، ونىڭ بارىسىندا ارداگەرلەر مەن اسكەري قىزمەتشىلەرگە قۇرمەت كورسەتىلەدى.