7 مامىر – وتان قورعاۋشىلار كۇنى
مەملەكەت باسشىسى 1992 جىلى 7 مامىردا قازاقستاننىڭ قارۋلى كۇشتەرىن قۇرۋ تۋرالى جارلىققا قول قويدى. وتان قورعاۋشىلار كۇنى – قازاقستاننىڭ قارۋلى كۇشتەرىنىڭ قۇرىلعان كۇنى.
1992 جىلى 7 مامىردا مەملەكەتتىك قورعانىس كوميتەتى قازاقستاننىڭ قورعانىس مينيسترلىگى بولىپ قايتا قۇرىلدى. سول جىلى پرەزيدەنتتىڭ جارلىعىمەن قازاقستاننىڭ قارۋلى كۇشتەرى جاساقتالدى.
ال 2012 جىلى قارۋلى كۇشتەردىڭ 20 جىلدىق مەرەيتويى اتالىپ ءوتتى. سونىڭ قارساڭىندا 7 مامىر مەملەكەتتىك مەرەكەلەر تىزىمىنە قوسىلدى.
قارۋلى كۇشتەردىڭ قۇرىلىمى
قازاقستاننىڭ قارۋلى كۇشتەرىنىڭ قۇرامىنا قۇرلىقتاعى اسكەر، اۋە قورعانىسى كۇشتەرى جانە اسكەري-تەڭىز كۇشتەرى كىرەدى.
قۇرلىق كۇشتەرىنىڭ وڭىرلىك قولباسشىلىقتارى 2003 جىلى قۇرىلعان بولاتىن. ولار:
"استانا" وڭىرلىك قولباسشىلىعى؛
"شىعىس" وڭىرلىك قولباسشىلىعى؛
"باتىس" وڭىرلىك قولباسشىلىعى؛
"وڭتۇستىك" وڭىرلىك قولباسشىلىعى.
نەگىزگى مىندەتتەر
قازاقستاننىڭ قارۋلى كۇشتەرiنە بەيبiت كەزەڭدە ءبىرقاتار مىندەت جۇكتەلگەن. ولار:
- اسكەري كۇش پەن جاۋىنگەرلiك دايارلىقتى قامتاماسىز ەتۋ؛
- ەل iشiندەگi قاقتىعىستاردى، شەكارادا نەمەسە ەل ىشىندەگى كەز كەلگەن زاڭسىز قارۋلى كۇشكە تويتارىس بەرە الاتىنداي دەڭگەيدە بولۋ؛
- اۋە كەڭiستiگiن كۇزەتۋ، سونداي-اق مەملەكەتتىك شەكارانىڭ جەدەل-ستراتەگيالىق تۇرعىدا ماڭىزدى ءوڭiرلەرiن جابۋ؛
- ماڭىزدى اسكەري نىسانداردى كۇزەتۋ؛
- ەلدiڭ كەز كەلگەن اۋدانىندا جاعدايدى تۇراقتاندىرۋ ءجونiندەگi باتىل iس-قيمىلعا ءازiر بولۋ؛
- حالىقارالىق مiندەتتەمەلەرگە سايكەس بiتiمگەرشiلiك جانە وزگە دە وپەراسيالارعا قاتىسۋ.
قارۋلى كۇشتەر بۇل مiندەتتەردi اسكەري قۇرىلىمدارىمەن ءوزارا تىعىز iس-قيمىلدا جۇزەگە اسىرادى. ال سوعىس ۋاقىتىندا قۇرامىنا قورعانىس مينيسترلىگىنە قارايتىن اسكەر تۇرلەرiنەن باسقا ىشكi iستەر مينيسترلىگىنiڭ iشكi اسكەرلەرi، ۇلتتىق قاۋiپسiزدiك كوميتەتiنiڭ شەكارا قىزمەتi، ۇلتتىق ۇلان، ازاماتتىق جانە اۋماقتىق قورعانىستى باسقارۋ مەن قۇرۋ ورگاندارى كiرەدi.