ەلىمىزدىڭ وڭتۇستىگىندە جاڭبىر جاۋادى
سينوپتيكتەر قازاقستاندا 2023 جىلعى 7-9 ناۋرىزعا ارنالعان اۋا رايى بولجامىن ۇسىندى. ەلىمىزدىڭ باسىم بولىگىندە جاۋىن-شاشىن جاۋادى، دەپ حابارلايدى Almaty-akshamy.kz.
"قازگيدرومەت" رمك ۇسىنعان مالىمەت بويىنشا، قازاقستان اۋماعىمەن باتىستان شىعىسقا قاراي اتلانت سيكلونى جىلجيدى.
سينوپتيكتەردىڭ بولجاۋىنشا، قار مەن جاڭبىر تۇرىندەگى قاتتى جاۋىن-شاشىن، بۇرقاسىن، ەكپىندى جەل جانە كوكتايعاق بولادى، ەلىمىزدىڭ وڭتۇستىگىندە جاڭبىر جاۋادى.
بۇكىل كەزەڭ بويى شىعىستا، 7 ناۋرىزدا سولتۇستىك-باتىستا، سولتۇستىكتە، ورتالىقتا، 8 ناۋرىزدا وڭتۇستىكتە، 8-9 ناۋرىزدا ەلىمىزدىڭ وڭتۇستىك-شىعىسىندا قاتتى جاۋىن-شاشىن (جاڭبىر، قار) بولجانادى. تەك 8-9 ناۋرىزدا باتىستا، 9 ناۋرىزدا ەلىمىزدىڭ ورتالىعىندا جاۋىن-شاشىن توقتايدى.
رەسپۋبليكا بويىنشا تۇمان كۇتىلەدى.
اپتا اياعىندا ەلىمىزدىڭ سولتۇستىك، ورتالىق، شىعىس وڭىرلەرىندە تۇنگى ۋاقىتتا تەمپەراتۋرالىق فون 7-17 ايازعا دەيىن، وڭتۇستىك وڭىرلەردە تۇندە 5 گرادۋس اياز - 5 گرادۋس جىلىعا دەيىن، كۇندىز 5-12 گرادۋس جىلىعا دەيىن تومەندەۋى بولجاندى.