بۇگىن تاڭەرتەڭ المالى اۋدانىندا №65 قوعامدىق اۆتوبۋس پەن ءۇش جەڭىل اۆتوكولىكتىڭ قاتىسۋىمەن جول-كولىك وقيعاسى بولدى، دەپ حابارلايدى aqshamnews.kz
بولعان وقيعانىڭ ەگجەي-تەگجەيىن قالالىق پوليسيا دەپارتامەنتىنىڭ باسپا ءسوز قىزمەتى ايتىپ بەردى.
ءتارتىپ ساقشىلارىنىڭ مالىمەتىنشە، اۆتوبۋس جۇرگىزۋشىسى روزىباكييەۆ كوشەسىمەن سولتۇستىك باعىتتا كەلە جاتىپ، قۇرمانعازى كوشەسىمەن قيىلىستا Volkswagen كولىگىمەن سوقتىعىسقان.
"شەتەلدىك كولىك قاتتى سوققىدان قارسى جولاققا شىعىپ، تاعى ەكى كولىكپەن سوقتىعىسقان"، دەپ مالىمدەدى الماتى پد باسپا ءسوز قىزمەتى.
سونداي-اق، Volkswagen جۇرگىزۋشىسىنىڭ مەديسينالىق كومەككە جۇگىنگەنى بەلگىلى بولدى. ەندى اپاتتىڭ ءمان-جايىن پوليسيا قىزمەتكەرلەرى انىقتايدى.