«65 ملن تەڭگەدەن استام قاراجات جىمقىرعان»: شىمكەنتتە كيبەرقىلمىستىق توپ 3 جىلدان 4 جىلعا دەيىن باس بوستاندىعىنان ايىرىلدى.
تەرگەۋ امالدارى ينتەرنەت الاياقتاردىڭ قۇربانى بولعان قالا تۇرعىنىنىڭ ارىزىنان باستالدى. بانكتىڭ جالعان قىزمەتكەرلەرىنە سەنگەن ازامات 4 ملن تەڭگەسىنەن ايىرىلعان، دەپ حابارلايدى Almaty-akshamy.kz Azattyq Ruhy.-نا سىلتەمە جاساپ.
«بانكيرلەر» بەلگىسىز نومىردەن قوڭىراۋ شالىپ، ونىڭ قارجىسىنا قول سۇعۋ ىقتيمالدىعى تۋرالى حابارلاپ، اقشاسىن ساقتاپ قالۋ ءۇشىن تەلەفون ارقىلى بىرنەشە ونلاين وپەراسيالاردى ورىنداۋىن سۇرادى.
وسىلايشا، قالا تۇرعىنى ەكى نەسيە راسىمدەپ، ولاردى “ءقاۋىپسىز” شوتتارعا اۋدارعان. تەرگەۋشىلەر اتالعان جايتتى ق ر قك-نىڭ 190-بابى (الاياقتىق) بويىنشا تىركەدى. ىزدەستىرۋ شارالارىنا قالالىق پوليسيا دەپارتامەنتىنىڭ كيبەرقىلمىسپەن كۇرەس جونىندەگى ارنايى توبى جۇمىلدىرىلدى. اتقارىلعان ءبىرقاتار جەدەل جۇمىستار كۇدىكتىلەردىڭ ىزىنە تۇسۋگە مۇمكىندىك بەردى.
قىلمىستى بۇكىل ەل بويىنشا ارەكەت ەتكەن الاياق توپ جاساعانى بەلگىلى بولدى. شىمكەنتتىك 6 تۇرعىن جارتى جىلدا 27 قازاقستاندىقتىڭ 65 ملن تەڭگەدەن استام قاراجاتىن قولدى ەتكەن. زارداپ شەككەندەردىڭ اراسىندا استانا، الماتى، پەتروپاۆل، كوكشەتاۋ،ورال، قاراعاندى جانە باسقا دا ايماقتاردىڭ تۇرعىندارى بار.
پوليسەيلەر قىلمىستىق توپتىڭ 4 مۇشەسىن مەگاپوليس پەن تۇركىستان وبلىسىنىڭ اۋماعىندا ۇستاسا، قالعان 2ء-ۋى حالىقارالىق ىزدەۋ ناتيجەسىندە رەسەيدەن تابىلدى. تەرگەۋ بارىسىندا ولاردىڭ ءارقايسىسىنىڭ ءوز مىندەتى بولعانى انىقتالدى.
بىرەۋى كوشباسشى ءرولىن اتقاردى جانە تاپسىرمالار بەرىپ وتىرعان، باسقالارى “دروپپەرلەردى” تاپسا، ال قالعانى تۇسكەن قاراجاتتى بانكوماتتاردان شەشىپ الۋمەن اينالىسقان. پوليسيا قىلمىستىق ءىستىڭ تومدارىن بارلىق دالەلدەرمەن سوتقا جىبەردى. سوت ۇكىمىمەن الاياقتار ءۇش جىلدان ءتورت جىلعا دەيىن باس بوستاندىعىنان ايىرىلدى.