ليۆيا جاعالاۋىندا كەمە اپاتقا ۇشىراپ، كەم دەگەندە 61 ادام قازا تاپتى، دەپ حابارلايدى اlmaty-akshamy.kz تاسس اگەنتتىگىنە سىلتەمە جاساپ.
حالىقارالىق كوشى-قون ۇيىمىنىڭ ليۆياداعى بولىمشەسى بۇل تۋرالى X الەۋمەتتىك جەلىسىندە جازعان.
«ليۆيا جاعالاۋىنداعى قايعىلى كەمە اپاتىنان كەيىن 61 ميگرانت، سونىڭ ىشىندە ايەلدەر مەن بالالار قازا تاپتى»، - دەلىنگەن حابارلامادا.
سۋعا باتىپ كەتكەن كەمە جولاۋشىلارىنىڭ كوبى نيگەريا، گامبيا جانە افريكا ەلدەرىنىڭ ازاماتتارى بولعان. حالىقارالىق كوشى-قون ۇيىمىنىڭ وكىلدەرى امان قالعاندارعا مەديسينالىق كومەك كورسەتىپ، 25 ادام تريپولي ماڭىنداعى ساۋىقتىرۋ ورتالىعىنا جىبەرىلدى.