2021 جىلى شەكارا قىزمەتى مەملەكەتتىك شەكارادان 6 زاڭسىز ءوتۋ فاكتىسىن تىركەدى، دەپ حابارلايدى Almaty-akshamy.kz.
ازاماتتار تۋريستىك ماقساتتا الماتى اسۋى ارقىلى ۇلكەن الماتى شاتقالىنا شىعۋدى جۇزەگە اسىرعان. وعان بارار جولدا ولار مەملەكەتتىك شەكارادان 300 مەتر قاشىقتىقتا ورنالاسقان الماتى كولىنە بارعان. كول گەوگرافيالىق جاعىنان قىرعىز رەسپۋبليكاسىنىڭ اۋماعىندا ورنالاسقان.
وسىعان ۇقساس زاڭ بۇزۋشىلىق فاكتىسى 2022 جىلى تىركەلگەن.
جوعارىدا اتالعان قازاقستان رەسپۋبليكاسىنىڭ ازاماتتارىنا قاتىستى قازاقستان رەسپۋبليكاسىنىڭ مەملەكەتتىك شەكاراسىن بۇزعانى ءۇشىن قازاقستان رەسپۋبليكاسىنىڭ قىلمىستىق كودەكسi 1-ب. 392-بابىنا سايكەس قىلمىستىق ءىس قوزعالعان.
تۋريستەر مىنا مارشرۋت بويىنشا ءجۇردى: دۋلاتي داڭعىلى – «ىلە-الاتاۋ» مۇتپ ەكوپوستى – ۇلكەن الماتى كولى – كوسموستانسيا – تۋريست شىڭىنىڭ سولتۇستىك-باتىس بەتكەيى – پروحودنوە شاتقالى – الاگير وزەنىنىڭ وڭ سالاسى – پروحودنايا وزەنى – پروحودنايا اسۋىنىڭ كەڭ اڭعارى.
ايتا كەتۋ كەرەك، اتالعان مارشرۋتتا شەكارادان ءوتۋ ورنى كورسەتىلگەن اقپاراتتىق تابلولار، «شەكارالىق ايماق» دەگەن جازۋلارى بار كورسەتكىش باعانالار بار، بۇدان باسقا ق ر مەملەكەتتىك شەكاراسى شەكارالىق بەلگىمەن بەلگىلەنگەن.