بۇل سۇراققا سيفرلىق دامۋ، يننوۆاسيالار جانە اەروعارىش ونەركاسىبى ۆيسە-مينيسترى اسحات ورازبەك جاۋاپ بەردى.
5G جەلىسىمەن نۇر-سۇلتان، الماتى، شىمكەنت جانە بارلىق وبلىس ورتالىقتارىن قامتۋ جوسپارلانىپ وتىر، دەپ حابارلايدى Almaty-akshamy.kz
«بيىل 5G راديوجيىلىكتەرى بويىنشا اۋكسيون وتكىزۋدى جوسپارلاپ وتىرمىز. رەسپۋبليكالىق ماڭىزى بار ءۇش قالادا جانە بارلىق وبلىس ورتالىقتارىندا اۋكسيون وتكىزەمىز. وپەراتورلارمەن اۋكسيونعا دايىندىق جۇمىستارىن جۇرگىزىپ جاتىرمىز، سيپاتتامالار مەن مىندەتتەمەلەر ازىرلەنىپ جاتىر. جاقىن ارادا كەلىسىم جۇرگىزىلىپ، جۇمىستى باستايمىز»، - دەدى اسحات ورازبەك.
ول ءتورت قالادا - نۇر-سۇلتان، الماتى، شىمكەنت جانە تۇركىستاندا 5G پيلوتتىق جۇمىسى باستالعانىن جانە جۇمىس ىستەپ تۇرعانىن ايتتى.
«5G ەنگىزۋ ترافيكتى تۇتىنۋدىڭ كۇرت وسۋىنە، «يندۋستريا 4.0»، IT، «سمارت ۇيلەر» دامۋىنا اكەلەتىنىن تۇسىنەمىز. ارينە، بۇل قاجەت ترەند. مۇنى وپەراتورلارمەن بىرلەسىپ جاسايمىز. قالاي جاساۋ كەرەك ەكەنىن بىلەمىز. مەنىڭ ويىمشا، الداعى ەكى جىلدا ەلىمىزدىڭ بارلىق اۋماعىندا حالىق 5G ىلگەرىلەگەنىن سەزەدى»، - دەپ قوستى ۆيسە-مينيستر.