ادامدار ۆيرۋستار مەن باكتەريالاردان ەمەس، وسىدان اۋىرادى ەكەن.
الەۋمەتتىك جەلىلەردە 5G فورماتىنداعى بايلانىس باعانالارى ينتەرنەتكە جىلدام كىرۋ ءۇشىن ەمەس، ادامداردى جوعارى رادياسيامەن ساۋلەلەندىرۋ ءۇشىن ورناتىلاتىندىعى تۋرالى اقپارات جازىلۋدا، دەپ حابارلايدى Almaty-akshamy.kz Stopfake.kz سايتىنا سىلتەمە جاساپ.
مامانداردىڭ ايتۋىنشا، بۇل جالعان مالىمەت.
5G تەحنولوگياسى سالىستىرمالى تۇردە جاڭا جوبا بولسا دا، جاڭا جانە بۇرىن بەلگىسىز بولعان تولقىنداردى پايدالانبايدى. ينتەرنەتكە جىلدام كىرۋ جانە ۇزدىك بايلانىس ساپاسىن Beam Forming، Massive MIMO جانە باسقا دا تەحنولوگيالار ەسەبىنەن قامتاماسىز ەتىلەدى. 5G فورماتىنداعى بايلانىس قالاي جۇمىس ىستەيتىنى تۋرالى فيزيك جانە عىلىمدى دارىپتەۋشى دميتريي پوبەدينسكيي ءوزىنىڭ YouTube ارناسىندا ەگجەي-تەگجەيلى ايتىپ بەرەدى.
5G جەلىلەرىندە ءارتۇرلى دياپازونداعى راديو تولقىندارىن پايدالانىلادى. تومەن جيىلىكتى 5G 600-850 مگس دياپازونىندا جۇمىس ىستەيدى. قولدانىستاعى 4G بايلانىس فورماتى دا وسى جيىلىكتە قوسىلادى.
ورتاشا جيىلىكتە 2.5–3.7 گگس دياپازونى قولدانىلادى. Wi-Fi تەحنولوگياسى دا وسى جيىلىكتە جۇمىس ىستەيدى.
جوعارى جيىلىكتى 5G 25-تەن 39 گگس-كە دەيىنگى دياپازوندا قولدانىلادى. ول پوليسيا رادارلارى مەن باسقا دا قۇرىلعىلاردا پايدالانىلادى.
پوليسيا رادارلارى مەن باسقا دا قۇرىلعىلار دا وسى جيىلىكتە جۇمىس ىستەيدى.
بارلىق كورسەتىلگەن جيىلىكتەردىڭ راديو تولقىندارىن رادياسيا دەپ اتاۋعا بولمايدى. ويتكەنى، «رادياسيا» ءسوزى يونداۋشى ساۋلەلەنۋ دەگەندى بىلدىرەدى، مىسالى، رەنتگەن اپپاراتتارىنان شىققان نەمەسە گامما-ساۋلەلەر شىعاراتىن ساۋلەلەنۋ. پەريودتىق كەستەنىڭ كەيبىر ەلەمەنتتەرى يونداۋشى ساۋلەلەنۋ كوزدەرى بولىپ تابىلادى: ۋران، راديي، پلۋتونيي جانە باسقالارى.
راديوتولقىندار دا كوزگە كورىنەتىن جارىق، جىلۋ جانە ميكروتولقىندار سەكىلدى يوندامايتىن ساۋلەلەنۋ كوزدەرى بولىپ تابىلادى. ياعني، راديواكتيۆتى ەمەس جانە ولاردى رادياسيا دەپ اتاۋعا بولمايدى.
دەمەك، 5G باعانالارى ادامداردى ساۋلەلەندىرەتىنى تۋرالى اقپارات – فەيك. وندا يونداۋشى ساۋلەلەنۋ تۇرلەرىنە جاتپايتىن راديو تولقىندار پايدالانىلادى.