«قاراسورا 2023» جەدەل الدىن-الۋ شاراسى شەڭبەرىندە ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى ايماق اۋماعىندا ەسىرتكى تاراتۋمەن اينالىسقان 11 ادامدى ۇستاۋ بويىنشا وپەراسيا جۇرگىزدى،دەپ حابارلايدى Almaty-akshamy.kz.
پوليسيا 58 كەلىدەن استام ماريحۋانانى تاركىلەدى. مۇنداي ءىرى پارتيانىڭ قارا نارىقتاعى قۇنى 9 ملن تەڭگەدەن اسادى. ەسىرتكى جالعا الىنعان گاراجدا ساقتالعان. سونىمەن قاتار وزگەلەرگە تاراتۋ ءۇشىن شاعىن كولەمدە وراما جاساپ وتىرعان.
- قىلمىستىق توپ قاتىسۋشىلارى 22 جاستان 54 جاسقا دەيىن. قازىرگى ۋاقىتتا ق ر قىجك-نىڭ 128-بابى تارتىبىندە 5 كۇدىكتى ۋاقىتشا ۇستاۋ يزولياتورىنا قاماۋعا الىندى. قالعاندارىنا قاتىستى ەشقايدا كەتپەۋ تۋرالى قولحات بەرۋ تۇرىندەگى بۇلتارتپاۋ شاراسى قابىلداندى. ق ر قك 297-بابىنىڭ 3-بولىگى بويىنشا باستالعان سوتقا دەيىنگى تەرگەۋ اياسىندا قاجەتتى تەرگەۋ ارەكەتتەرى جۇرگىزىلۋدە، - دەدى ەسىرتكى قىلمىسىنا قارسى ءىس-قيمىل باسقارماسىنىڭ باستىعى نۇرجان احمەتوۆ.