اعىمداعى جىلدىڭ 22 اقپاندا ۇقك استانا قالاسى بويىنشا دەپارتامەنتى استانالىق پروكۋراتۋرانىڭ ۇيلەستىرۋىمەن قالانىڭ ونەركاسىپ ايماعىندا ورنالاسقان سينتەتيكالىق ەسىرتكى ءوندىرۋ بويىنشا جاسىرىن زەرتحانانىڭ جولىن كەستى، دەپ حابارلايدى almaty-akshamy.kz ۇقك باسپا ءسوز قىزمەتىنە سىلتەمە جاساپ.
وسى قىلمىستىق قۇقىق بۇزۋشىلىقتى جاساۋدى دەگەن كۇدىكپەن استانانىڭ 2 تۇرعىنى قۇرىقتالدى.
ءتىنتۋ بارىسىندا شامامەن 80 مىڭ ءبىر رەتتىك دوزاعا پارا-پار 27 كگ استام «مەفەدرون» پسيحوتروپتىق زاتى، سونداي-اق 1 توننادان ارتىق پرەكۋرسور الىندى.
اينالىمنان الىنعان ەسىرتكى قۇنى «قارا نارىقتا» 540 ملن تەڭگەگە باعالانادى.
بۇدان بولەك، استانا قالاسى باسقا اۋداندارىندا زەرتحانا جابدىعى بار 40 توننالىق ەكى كونتەينەر تابىلدى، تەرگەۋ بارىسى انىقتاعانداي، ولار بىرنەشە وسىعان ۇقساس ءوندىرىستى ۇيىمداستىرۋ ءۇشىن ارنالعان.
قىلمىستىق كودەكستىڭ 297-بابى 3-بولىگى بويىنشا سوتقا دەيىنگى تەرگەپ-تەكسەرۋ جۇرگىزىلۋدە.
وزگە اقپارات قىلمىستىق-پروسەستىك كودەكستىڭ 201-بابى 1-بولىگىنە سايكەس جاريا ەتۋگە جاتپايدى