جالعان اقپارات تاراتۋ زاڭمەن جازالانادى.
مينيسترلىك الاياقتار تۋرالى ەسكەرتتى، دەپ حابارلايدى Almaty-akshamy.kz
بۇل تۋرالى ق ر ەڭبەك جانە حالىقتى الەۋمەتتىك قورعاۋ مينيسترلىگى ايتتى.
1949-1998 جىلدار ارالىعىندا تۋعان قازاقستان ازاماتتارىنا وسى جىلدىڭ 26 ماۋسىمىنان باستاپ بەلگىسىز الەۋمەتتىك قوردان 50 000 تەڭگە اۋدارىلاتىنى تۋرالى الەۋمەتتىك جەلىلەر مەن مەسسەندجەرلەردە تاراتىلىپ جاتقان اقپارات شىندىققا جاناسپايدى. قاراجاتتى اۋدارۋ ءۇشىن بەلگىسىز ادامدار سىلتەمەگە ءوتۋدى ۇسىنادى.
“الەۋمەتتىك كومەكتىڭ مۇنداي ءتۇرى جوق ەكەنىن حابارلايمىز. تيىسىنشە، حابارلامادا كورسەتىلگەن سىلتەمە الاياقتار ءۇشىن ازاماتتاردىڭ جەكە دەرەكتەرىن الۋ ءتاسىلى بولۋى مۇمكىن. الاياقتارمەن ءوزارا ارەكەتتەسۋدى بولدىرماۋ ءۇشىن سىلتەمەگە وتپەۋگە كەڭەس بەرەمىز،”-دەدى مينيسترلىك باسپا ءسوز قىزمەتى.
مەملەكەتتىك قولداۋدىڭ ءتيىستى شارالارى تۋرالى رەسمي اقپارات تەك قانا 1414 نومىرىنەن سمس-حابارلامالار ارقىلى تاراتىلادى.