"حالىق قاتىساتىن بيۋدجەت": الماتىنىڭ بوستاندىق اۋدانىندا وسى باعدارلاما بويىنشا جوبالارعا 2،8 ملرد تەڭگە ءبولىندى
2023 جىلى بوستاندىق اۋدانىندا اۋلالارداعى سپورت جانە بالالار الاڭدارىن جوندەۋدى، سونداي-اق قوعامدىق كەڭىستىكتەردى اباتتاندىرۋدى قامتيتىن 800 ملن تەڭگەنىڭ 16 جوباسى ىسكە اسىرىلدى. بۇل تۋرالى بوستاندىق اۋدانىنىڭ تۇرعىندارىمەن كەزدەسۋدە الماتى اكىمى ەربولات دوسايەۆ مالىمدەدى.
"حالىق قاتىساتىن بيۋدجەت" باعدارلاماسى اياسىندا كەز -كەلگەن تۇرعىن ءوز اۋدانىن اباتتاندىرۋ بويىنشا ءوز يدەياسى مەن ۇسىنىسىن ىسكە اسىرا الادى.
"بيىلعى جىلى جاياۋ جۇرگىنشىلەر-سەرۋەندەۋ جانە ساياباق ايماقتارىن اباتتاندىرۋ، بالالار، سپورت الاڭدارىن جوندەۋ جانە اۋداندى اباتتاندىرۋ بويىنشا 50 جاڭا جوبانى جۇزەگە اسىرۋ ءۇشىن سوما 2،8 ملرد تەڭگەگە دەيىن ۇلعايتىلدى. بۇلارداعى جۇمىستاردى اياقتاۋ مەرزىمى-2024 جىلدىڭ سوڭى"، - دەدى الماتى قالاسىنىڭ تۇرعىندارىمەن كەزدەسۋدە ەربولات دوسايەۆ.