سومكەنى كوشەدەن تاۋىپ العان ازامات پوليسياعا تاپسىرعان
اقتوبەدە پوليەيلەر تابىلعان سومكەدەگى 5 ميلليون تەڭگەدەن استام قاراجاتتى يەمدەنىپ العان، دەپ حابارلايدى Almaty-akshamy.kz اقتوبە وبلىستىق سوتىنىڭ رەسمي سايتىنا سىلتەمە جاساپ.
قىلمىستىق ءىس ماتەريالدارىنا سايكەس، ەكى پوليسەي قىزمەتتە وتىرىپ، تاۋىپ الىپ كەلگەن ازاماتتان سومكەنى قابىلداپ العان. كەيىن 2 ادامعا تيەسىلى سۋمكانىڭ ىشىندەگى 5330 000 تەڭگەنى وزدەرى يەمدەنىپ العان.
«سوتتالۋشىلاردىڭ كىناسى دالەلدەمەلەر جيىنتىعىمەن، ونىڭ ىشىندە جابىرلەنۋشىلەردىڭ، كۋالاردىڭ ايعاقتارىمەن، بەينەجازبالارمەن راستالدى. سوتتالۋشىلاردىڭ قىلمىستىق جاۋاپتىلىعىن جەڭىلدەتەتىن ءمان-جايلارى رەتىندە سوت شىن جۇرەكتەن وكىنگەنىن، ءجاسوسپىرىم بالالارىنىڭ بولۋىن جانە جابىرلەنۋشىلەرگە كەلتىرىلگەن زالالدى تولىق كولەمدە وتەگەنىن ەسكەردى. سوتتالۋشىلاردىڭ قىلمىستىق جاۋاپتىلىعىن اۋىرلاتاتىن ءمان-جايلار رەتىندە سوت ولاردىڭ وزدەرى بەرگەن سەرتىن بۇزعانى جانە الدىن الا ءسوز بايلاسۋ ارقىلى ادامدار توبى بولىپ، قىلمىستىق قۇقىق بۇزۋشىلىق جاسادى دەپ شەشتى»، – دەلىنگەن حابارلامادا.
سوت سوتتالۋشىلاردى قك-نىڭ 361-بابىنىڭ 4-بولىگى 3 - تارماعى بويىنشا كىنالى دەپ تانىپ، ولارعا بەلگىلى ءبىر لاۋازىمداردى اتقارۋ نەمەسە بەلگىلى ءبىر قىزمەتپەن اينالىسۋ قۇقىعىنان ءومىر بويىنا ايىرا وتىرىپ، 2 جىل مەرزىمگە باس بوستاندىعىنان ايىرۋ تۇرىندەگى جازا تاعايىندادى.
سوت ۇكىمى زاڭدى كۇشىنە ەنگەن جوق.