جەل، شاڭدى داۋىل، تۇمان
سينوپتيكتەر قازاقستانداعى 5 مامىر كۇنگە ارنالعان اۋا رايى بولجامىن ۇسىندى، دەپ حابارلايدى Almaty-akshamy.kz.
"قازگيدرومەت" رمك مالىمەتىنشە، اۋقىمدى انتيسيكلون ىقپالىنان رەسپۋبليكانىڭ باسىم بولىگىندە اۋا رايى جاۋىن-شاشىنسىز بولادى. ەلىمىزدىڭ باتىسىندا، وڭتۇستىك-باتىسىندا فرونتالدى بەلسەندىلىكتىڭ وتۋىمەن كۇن كۇركىرەپ، كەيدە قاتتى جاڭبىر جاۋادى، وڭتۇستىك-شىعىستا جانە شىعىستا جاۋىن-شاشىن (جاڭبىر، قار) جاۋادى.
رەسپۋبليكا بويىنشا جەل كۇشەيىپ، شاڭدى داۋىل سوعادى. وڭتۇستىك-باتىستى تۇمان باسادى.
"تۇندە الماتى، جەتىسۋ وبلىستارىندا، ۇلىتاۋدىڭ شىعىسىندا، جامبىل وبلىستارىنىڭ تاۋلى ايماقتارىندا، اقتوبەنىڭ سولتۇستىگىندە، قوستاناي وبلىستارىنىڭ وڭتۇستىك-شىعىسىندا، توپىراق بەتىندە 1-6 گرادۋس اياز بولادى"، - دەلىنگەن حابارلامادا.
تۇركىستان وبلىسىنىڭ سولتۇستىگىندە، باتىسىندا، تاۋلى جانە تاۋ بوكتەرىندەگى اۋداندارىندا جەل 15-20، ەكپىنى 23-28، تاۋلى ايماقتاردا 30 م/س جانە ودان دا كوپ كۇشەيەدى.
استانادا كوشپەلى بۇلت شىعادى، جاۋىن-شاشىنسىز. جەل ەكپىنى سەكۋندىنا 2-7 مەتر بولادى. اۋا تەمپەراتۋراسى تۇندە 0،-2°س، كۇندىز +20+22°س.
الماتىدا كوشپەلى بۇلت شىعادى، جاۋىن-شاشىنسىز. سولتۇستىك-شىعىستان ەكپىنى سەكۋندىنا 2-7 مەتر جەل سوعادى. اۋا تەمپەراتۋراسى تۇندە 0،+2°س، توپىراق بەتىندە -1-3° اياز، كۇندىز +12+14°س.
شىمكەنتتە كوشپەلى بۇلت شىعادى، جاۋىن-شاشىنسىز. شىعىستان سوعاتىن جەلدىڭ كۇشى سەكۋندىنا 8-13، 15-20، كۇندىز 25 مەتر بولادى. اۋا تەمپەراتۋراسى تۇندە +7+9°س، كۇندىز +21+23°س.