“Halyk” قورىنىڭ قولداۋىمەن HALYK “OPEN CUP – 2024” رەسپۋبليكالىق ءتۋرنيرى ءوتتى. تۋرنيرگە قازاقستاننىڭ تۇكپىر-تۇكپىرىنەن 32 كوماندا قاتىستى، دەپ حابارلايدى aqshamnews.kz.
“Halyk” قايىرىمدىلىق قورىنىڭ دەمەۋشىلىگىمەن وتكەن تۋرنير چەمپيونى اتاعىن ماڭعىستاۋ وبلىسىنان كەلگەن "نامىس-قىزىل توبە" كومانداسى جەڭىپ الدى. كوماندانىڭ جاتتىقتىرۋشىسى پەردەبەك قاشقامبايەۆ ءتۋرنيردىڭ "ۇزدىك جاتتىقتىرۋشىسى" اتاعىن يەلەنسە، ال ابزال بايمۇحان "ۇزدىك ويىنشى" اتاندى.
ءتۋرنيردىڭ جەڭىمپازدارى مەن جۇلدەگەرلەرىنە كۋبوكتار، مەدالدار جانە باعالى سىيلىقتار، اتاپ ايتقاندا فۋتبول فورمالارى، جاتتىعۋ كيىمدەرى، دوپتار جانە بالالارعا ارنالعان كىتاپتار تابىستالدى.
بۇل جوبا "Halyk" قايىرىمدىلىق قورىنىڭ ەلىمىزدىڭ تۇكپىر-تۇكپىرىندەگى مۇقتاج جانداردى قولداۋعا جانە حالىقتىڭ ءومىر ءسۇرۋ جاعدايىن جاقسارتۋعا باعىتتالعان جوبالارىنىڭ ءبىرى. قور اۋىلداعى سپورتتى دامىتۋعا وسىعان دەيىن 500 ميلليونعا جۋىق قارجى ءبولدى.
سونداي-اق، 2016 جىلى تيمۋر قۇلىبايەۆتىڭ جەتەكشىلىگىمەن قۇرىلعان Halyk قورى وسىعان دەيىن 120-دان استام الەۋمەتتىك جوبانى جۇزەگە اسىرىپ، 85 ميلليارد تەڭگەگە كومەك كورسەتتى.
ايتا كەتۋ كەرەك بۇل اۋقىمدى جۇمىستار Halyk قايىرىمدىلىق قورى مەن جوبا اۆتورى مامبەتوۆ سەرىك بولات ۇلى اراسىنداعى مەموراندۋم اياسىندا اتقارىلىپ وتىر.