ولار ادامداردى نەسيە تاريحىن تۇزەپ بەرەمىز دەپ الداعان.
تەرگەۋ بارىسىندا ايعاق زاتتار رەتىندە 16 تەلەفون، بىرنەشە قولدانىلعان SIM-كارتالار، روۋتەر قۇرىلعىسى جانە 3،5 ملن تەڭگە كولەمىندە اقشا تاركىلەنگەن، دەپ حابارلايدى aqshamnews.kz
“IT-TERGEU” جوباسى اياسىندا قىزىلوردا وبلىسىنىڭ پوليسيا قىزمەتكەرلەرى رەسپۋبليكا كولەمىندە ينتەرنەت الاياقتىقپەن اينالىسىپ، جابىرلەنۋشىلەرگە اسا ءىرى مولشەردە زيان كەلتىرگەن، باتىس قازاقستان وبلىسىندا ورنالاسقان قىلمىستىق توپتى ۇستاعان.
تەرگەۋ بارىسىندا ايعاق زاتتار رەتىندە 16 تەلەفون، بىرنەشە قولدانىلعان SIM-كارتالار، روۋتەر قۇرىلعىسى جانە 3،5 ملن تەڭگە كولەمىندە اقشا تاركىلەنگەن.
كۇدىكتىلەر قىزىلوردا وبلىسىنىڭ الەۋمەتتىك جەلى پايدالانۋشىلارىنا “نەسيە تاريحىن جاڭعىرتىپ، اقشا الۋعا ارنالعان باعدارلاما جاسايمىز” دەگەن جالعان اقپارات تاراتىپ، وزدەرىنىڭ ينتەرنەتتەگى IP-مەكەنجايلارىن جانە بانكتىك ەسەپشوتتارىن بۇركەمەلەپ، جابىرلەنۋشىلەردەن جالپى سوماسى 45 ملن تەڭگە قاراجاتتى الاياقتىق جولمەن جىمقىرعان دەپ ايىپتالىپ وتىر.
سوتتىڭ شەشىمىمەن كۇدىكتىلەرگە ەكى اي مەرزىمگە “كۇزەتپەن ۇستاۋ” بۇلتارتپاۋ شاراسى تاعايىندالعان.
قىلمىستىق ءىس بويىنشا قاجەتتى تەرگەۋ امالدارى جالعاسىپ جاتىر.