پوليسيا قىزمەتكەرلەرى قىزىل كىتاپقا ەنگەن قۇستى ساتۋعا شىعارعان حابارلاندىرۋ اۆتورىن انىقتادى.
جاس جىگىتتىڭ ايتۋىنشا، ول قۇستى دالادان تاۋىپ العان، دەپ حابارلايدى aqshamnews.kz Polisia.kz-كە سىلتەمە جاساپ.
قاراعاندى وبلىسىندا ءجاسوسپىرىم قىزىل كىتاپقا ەنگەن قۇستى ينتەرنەت ارقىلى ساتۋعا تىرىسقان. الەۋمەتتىك جەلىلەردى قاراۋ كەزىندە قاراعاندى وبلىسى وساكاروۆ اۋدانىنىڭ پوليسيا ءبولىمىنىڭ قىزمەتكەرلەرى قىزىل كىتاپقا ەنگەن دالا بۇركىتىن 400 مىڭ تەڭگەگە ساتۋ تۋرالى حابارلاندىرۋدى انىقتادى. پوليسيا قىزمەتكەرلەرى حابارلاندىرۋ اۆتورىن، ياعني 17 جاستاعى تۇرعىندى انىقتادى. جاس جىگىتتىڭ ايتۋىنشا، ول قۇستى دالادان تاۋىپ العان جانە ونىڭ جويىلىپ كەتۋ ءقاۋىپى ساناتىنا جاتاتىنىن بىلمەگەن. ول ينتەرنەت-رەسۋرستارداعى باعالاردى كورىپ، حابارلاندىرۋ جاريالادى. وسىمدىكتەر مەن جانۋارلاردىڭ سيرەك كەزدەسەتىن جانە جويىلىپ كەتۋ ءقاۋىپى تونگەن تۇرلەرىنە زاڭسىز قاراۋ فاكتىسى بويىنشا قىلمىستىق ءىس قوزعالدى. ءمان-جايى انىقتالعانعا دەيىن دالا بۇركىتى قاراعاندى قالاسىنىڭ حايۋاناتتار باعىنا ۋاقىتشا ساقتاۋعا بەرىلدى.