بۇل تۋرالى ق ر پرەمەر-مينيسترى ءاليحان سمايىلوۆ ايتتى.
دەمونوپوليزاسيا شارالارى اياسىندا 40-قا جۋىق اكسيونەرلىك قوعام مەن جاۋاپكەرشىلىگى شەكتەۋلى سەرىكتەستىك مەملەكەت مەنشىگىنە وتەدى، دەپ حابارلايدى Almaty-akshamy.kz
قازىرگى كەزدە ەكونوميكانى مونوپولياسىزداندىرۋ جونىندەگى كوميسسيا قۇرىلدى. نەگىزگى مىندەتى – باسەكەلەستىككە كەدەرگى جاسايتىن كومپانيالاردى انىقتاۋ.
«ماسەلەن، شامامەن 40 اكسيونەرلىك قوعام مەن جاۋاپكەرشىلىگى شەكتەۋلى سەرىكتەستىك، سونداي-اق باسقا دا جىلجىمايتىن مۇلىك نىساندارى رەسپۋبليكالىق مەنشىككە بەرىلىپ جاتىر. وسى جۇمىس جالعاسا بەرەدى»، - دەدى سمايىلوۆ.
ونىڭ ايتۋىنشا، مەملەكەت مەنشىگىنە بەرىلگەن كومپانيالار مەملەكەتتىك مۇلىك كوميتەتىنە وتەدى. ارتىنان سالا بويىنشا مەملەكەتتىك ورگاندارعا تاراتىلادى.
«ال تابىسى رەسپۋبليكالىق بيۋدجەتكە تۇسەدى»، - دەپ اتاپ ءوتتى ۇكىمەت باسشىسى.