بۇل - يندۋستريا جانە ينفراقۇرىلىمدىق دامۋ ءمينيسترى قايىربەك وسكەنبايەۆتىڭ ءسوزى.
ءمينيستردىڭ ايتۋىنشا، ءقازىر 4 800-دەي ادامعا جەڭىلدەتىلگەن اۆتوكولىك الۋ ءۇشىن بانكتەردەن كەپىلدىك، رۇقسات بەرىلدى، دەپ حابارلايدى Almaty-akshamy.kz
جۋرناليستەر زاۋىتتاردا كولىك جوق ەكەنىنە، ادامدارعا التى اي، ءبىر جىل، 10 جىل كۇتۋگە تۋرا كەلەتىنى تۋرالى ايتىلعانىنا نازار اۋداردى.
«قالاي ماشينە جوق؟ زاۋىت قوي. ارينە، ءبىر كۇندە 10، 20 مىڭ ماشينە شىعارۋ مۇمكىن ەمەس. ءبىراق اي سايىن ءوزىنىڭ جولىمەن شىعارىلىپ جاتىر. ەكى، ءۇش اي ىشىندە نەسيە العان ادامدارعا تولىعىمەن ماشينە بەرۋگە زاۋىتتاردا مۇمكىنشىلىك بار. ... ەشقانداي 10 جىل كۇتپەيسىزدەر. ءارى كەتكەندە ەكى-ۇش ايدىڭ ىشىندە بەرىلەدى»، - دەپ ۋادە بەردى مينيستر.