«قازگيدرومەت» رمك مامىردىڭ 4ء-ى كۇنگى اۋا رايى بولجامىن جاريالادى، دەپ حابارلايدى اlmaty-akshamy.kz.
كاسىپورىن تاراتقان دەرەكتەرگە قاراعاندا، اتموسفەرالىق فرونتالدى بولىكتەردىڭ وتۋىنە بايلانىستى قازاقستاننىڭ باسىم بولىگىندە جاڭبىر جاۋىپ، ەلدىڭ وڭتۇستىگىندە، وڭتۇستىك-شىعىسىندا نوسەر جاۋىن جاۋادى. قازاقستاننىڭ باتىسىندا، وڭتۇستىك-باتىسىندا، سولتۇستىگىندە، سولتۇستىك-شىعىسىندا جوعارى قىسىم اسەرىنەن كۇن اشىق بولادى. رەسپۋبليكا بويىنشا نايزاعاي ويناپ، جەل كۇشەيەدى، ەلدىڭ وڭتۇستىگىندە، وڭتۇستىك-شىعىسىندا بۇرشاق جاۋىپ، سولتۇستىگىندە، شىعىسىندا تۇمان تۇسەدى.
جامبىل وبلىسىنىڭ سولتۇستىگىندە، وڭتۇستىگىندە جانە تاۋلى اۋداندارىندا نايزاعاي ويناپ، بۇرشاق جاۋادى، داۋىل تۇرادى، وبلىستىڭ وڭتۇستىك-باتىسىندا، سولتۇستىك-شىعىسىندا جانە تاۋلى اۋداندارىندا جەلدىڭ جىلدامدىعى سەكۋندىنا 15-20، كەي ۋاقىتتا 25 مەترگە دەيىن كۇشەيەدى.
تاڭەرتەڭ جانە كۇندىز الماتى وبلىسىنىڭ وڭتۇستىگىندە جانە تاۋلى اۋداندارىندا نايزاعاي ويناپ، بۇرشاق جاۋادى، داۋىل تۇرادى، نايزاعاي كەزىندە جەلدىڭ جىلدامدىعى سەكۋندىنا 15-20 مەترگە جەتىپ، ەكپىنى 25 م/س بولادى.
تۇركىستان وبلىسىنىڭ سولتۇستىگىندە، وڭتۇستىگىندە، باتىسىندا، تاۋلى جانە تاۋ بوكتەرىندەگى اۋداندارىندا نايزاعاي ويناپ، بۇرشاق جاۋادى، داۋىل تۇرادى، نايزاعاي كەزىندە جەل 17-22 م/س-كە دەيىن كۇشەيەدى.
قاراعاندى وبلىسىنىڭ سولتۇستىگىندە، شىعىسىندا، ورتالىعىندا نايزاعاي وينايدى، جەل 15-20 م/س جەلدامدىقپەن ەسەدى.
قوستاناي وبلىسىنىڭ وڭتۇستىگىندە نايزاعاي ويناپ، جەل 15-20 م/س-كە دەيىن كۇشەيەدى.
كۇندىز اقمولا وبلىسىنىڭ وڭتۇستىك-باتىسىندا نايزاعاي ويناپ، وڭتۇستىگىندە جەل 15-20 م/س-كە دەيىن كۇشەيەدى.
تۇندە شىعىس قازاقستان وبلىسىنىڭ سولتۇستىگىندە تۇمان تۇسەدى، وڭتۇستىك-باتىسىندا جەل 15-20 م/س-كە دەيىن كۇشەيەدى.
قىزىلوردا وبلىسىنىڭ شىعىسىندا نايزاعاي ويناپ، داۋىل تۇرادى. تۇندە جانە تاڭەرتەڭ سولتۇستىك قازاقستان وبلىسىنىڭ شىعىسىندا تۇمان تۇسەدى.
باتىس قازاقستان وبلىسىنىڭ وڭتۇستىگىندە، اقتوبە وبلىسىنىڭ سولتۇستىگىندە، ورتالىعىندا، پاۆلودار وبلىسىنىڭ ورتالىعىندا توتەنشە ءورت ءقاۋپى ساقتالادى.