بۇل تۋرالى ق ر باس پروكۋراتۋراسى مالىمدەدى.
باس پروكۋراتۋرا ەلدەگى 1 مىڭنان استام جانە شەتەلدەگى 150-دەن استام مۇلىك وبەكتىلەرى تۋرالى مالىمەتتەردى تالداۋدا، دەپ حابارلايدى Almaty-akshamy.kz
تالداۋمەن تاعى 600 ملرد تەڭگەنىڭ باعالى قاعازدارى قامتىلعان. ەلىمىزدە 200-دەن استام جانە شەتەلدە 140 بانك شوتتارى انىقتالدى. 2 ترلن تەڭگەگە جۋىق كۇدىكتى ترانزاكسيالار تەكسەرىلۋدە.
وسى جۇمىستىڭ ناتيجەسىندە پرەمەر-مينيستردىڭ باسشىلىعىمەن كوميسسيا 325 ملرد تەڭگەدەن استام سوماعا اكتيۆتەردى مەملەكەتكە قايتارۋ تۋرالى كەلىسىمدەر مەن تالاپ قويۋلاردى ماقۇلدادى، ونىڭ ىشىندە 272 ملرد تەڭگە تەڭگەرىمىندەگى اقشالاي قاراجات. ولار ماڭىزدى الەۋمەتتىك جانە ەكونوميكالىق جوبالاردى جۇزەگە اسىرۋعا باعىتتالاتىن بولادى.
سونداي-اق ەلىمىزدەگى جانە شەتەلدەگى قۇنى 50 ملرد تەڭگەدەن اساتىن اكتيۆتەر مەملەكەتكە بەرىلدى. ولاردىڭ ىشىندە ءبىرقاتار ستراتەگيالىق كەن ورىندارى، مونوپوليستىك كومپانيالار، ونداعان مىڭ گەكتار جەر، سونداي-اق ءوندىرىس وبەكتىلەرى، قوناق ۇيلەر، بيزنەس ورتالىقتارى، ۆيللالار، پاتەرلەر، ءساندى كولىكتەر، زەرگەرلىك بۇيىمدار جانە تاعى باسقالار.
بۇدان باسقا، ءتىزىلىمنىڭ كەيبىر سۋبەكتىلەرى ءوز ەركىمەن جالپى قۇنى 30 ملرد تەڭگەنى قۇرايتىن جوعارى تەحنولوگيالىق ينۆەستجوبالاردى جۇزەگە اسىرۋعا مىندەتتەمە الدى. ولاردىڭ ىشىندە قۇبىرلار، قاپتامالار، حيميالىق، ازىق-تۇلىك جانە ت.ب. ونىمدەردى شىعاراتىن ءوندىرىس وبەكتىلەرى. وسىلايشا، كەمىندە 300 جاڭا جۇمىس ورنىن قۇرۋ جوسپارلانۋدا، جىلدىق سالىق تولەمدەرى 1 ملرد تەڭگەدەن استام بولۋى ءتيىس.
"اكتيۆتەردى قايتارۋ پروسەسىنىڭ تاعى ءبىر ماڭىزدى بولىگى - الەۋمەتتىك جوبالاردى جۇزەگە اسىرۋ. ماسەلەن، تىزىلىمدەگى تۇلعالار ءوز ەركىمەن قىزمەتتەرىن ەرەكشە قاجەتتىلىكتەرى بار ادامدار جانە باسقا دا الەۋمەتتىك وسال توپتار تەگىن پايدالانا الاتىن، قۇنى 5 ملرد تەڭگەدەن اساتىن زاماناۋي مادەني-اعارتۋ ورتالىعىن سالىنۋعا مىندەتتەمە الدى."، دەدى باس پروكۋراتۋرانىڭ باسپا ءسوز قىزمەتى.
باس پروكۋراتۋرانىڭ اكتيۆتەردى قايتارۋ جونىندەگى كوميتەتىنىڭ ماجبۇرلەپ قايتارۋ تەتىكتەرىن ىسكە اسىرۋ شەڭبەرىندە كوپتەگەن، ونىڭ ىشىندە پايدا بولۋى تۇسىنىكسىز اكتيۆتەرگە قاتىستى تالاپ قويىلدى.
ولاردىڭ ءبىرى بويىنشا 11 ملن اقش دوللارىنان استام قارجىنى، سونداي-اق 400 ملن تەڭگە سوماسىنا زەرگەرلىك بۇيىمدار مەن مادەني قۇندىلىقتاردى ماجبۇرلەپ قايتارۋ تۋرالى سوت شەشىمى قابىلدانىپ، كۇشىنە ەندى.
جالپى، 2022 جىلدان باستاپ ەكونوميكانى دەمونوپوليزاسيالاۋ شارالارىن قوسا العاندا جالپى سوماسى شامامەن 1،7 ترلن تەڭگەنىڭ اكتيۆتەرى، ونىڭ ىشىندە شەتەلدەن 750 ملن اقش دوللارى مەملەكەتكە قايتارىلدى.
بۇل باعىتتا جۇمىستار جالعاسۋدا.