جاۋىن-شاشىن كەزىندە سۋ باساتىن ۋچاسكەلەر سانىن ازايتۋ ماقساتىندا 52 ۋچاسكەدە 34 شاقىرىم ارىق جەلىسى اۋىستىرىلىپ، جوندەۋ جۇمىستارى جالعاسۋدا.
بۇگىنگى تاڭدا جالپى ۇزىندىعى 7،5 شاقىرىم بولاتىن 17 ۋچاسكەدە جوندەۋ جۇمىستار اياقتالدى. بۇل تۋرالى قالا اكىمى ەربولات دوسايەۆتىڭ المالى اۋدانى تۇرعىندارىمەن كەزدەسۋىندە ايتتى، دەپ حابارلايدى Almaty-akshamy.kz.
وسى جىلدىڭ قىركۇيەك ايىنىڭ سوڭىنا دەيىن ۇزىندىعى 2،7 كم بولاتىن تاعى 8 ۋچاسكەدە جۇمىستاردى اياقتايمىز. قالعان 27 ۋچاسكە بويىنشا جالپى ۇزىندىعى 23،8 كم جۇمىستى جالعاستىرىپ، 2024 جىلى اياقتايمىز. سوڭعى رەت مول جاۋعان جاۋىن كەزىندە سۋ اعىنىنا توتەپ بەرە المايتىن قولدانىستاعى ارىق جەلىلەرىنىڭ قوسىمشا ۋچاسكەلەرىن انىقتادىق، سوندىقتان جوباعا ءتيىستى تۇزەتۋلەر ەنگىزىلدى، -دەدى قالا اكىمى.