قازاقستان قور بيرجاسى (KASE) 15:30-داعى جاعداي بويىنشا دوللاردىڭ ورتاشا سارالانعان باعامى 0،42 تەڭگەگە كوتەرىلىپ، 446،07 تەڭگە بولعانىن مالىمدەدى، دەپ حابارلايدى Almaty-akshamy.kz.
جۇڭگو ءيۋانىنىڭ ورتاشا سارالانعان باعامى دا ازداپ ءوسىپ، 62،35 تەڭگە (+0،10) بولدى.
ەۋرو باعامىن ۇلتتىق بانك 489 تەڭگە، ءرۋبلدى 4،9 تەڭگە دەپ بەلگىلەدى.
اقشا ايىرباستاۋ ورىندارىندا دوللار 444-447 تەڭگە، ەۋرو 488،5-492،5 تەڭگە، رەسەي ءرۋبلى 4،81-5،03 تەڭگە ارالىعىندا ساۋدالانىپ جاتىر.
ال 31 شىلدەدەگى ساۋدادا الەمدىك مۇناي باعاسى تومەندەي ءتۇستى.
نيۋ-يورك تاۋار بيرجاسىنداعى (NYMEX) ەلەكتروندى ساۋدادا قىركۇيەك ايىنداعى WTI مۇنايىنىڭ فيۋچەرستەرىنىڭ باعاسى 0،45%-عا تومەندەپ، باررەلىنە 80،22 دوللار بولدى.
لوندوننىڭ ICE Futures بيرجاسىندا Brent ماركالى مۇنايدىڭ قىركۇيەكتەگى فيۋچەرستەرى 0،7%-عا تومەندەپ، باررەلىنە 84،4 دوللار بولدى. جۇما كۇنى بۇل كەلىسىمشارتتار 0،9%-عا ءوسىپ، باررەلىنە 84،99 دوللار بولعان ەدى.