بيىل 2 قىركۇيەكتەن باستاپ ەلىمىزدىڭ 31 پيلوتتىق مەكتەبىندە ق ر وقۋ-اعارتۋ مينيسترلىگى رەسپۋبليكالىق عىلىمي-پراكتيكالىق ءبىلىم مازمۇنىن ساراپتاۋ ورتالىعىنىڭ باسشىلىعىمەن 2025-2026 وقۋ جىلىنا ارنالعان جاڭا وقۋلىقتار اپروباسيادان وتۋدە.
مۇنداعى ماقسات - جاڭا وقۋ باعدارلاماسى نەگىزىندە ازىرلەنگەن 4-سىنىپقا ارنالعان جەكەلەگەن پاندەر بويىنشا وقۋلىقتار مازمۇنىنىڭ ساپاسىن انىقتاۋ، سونداي-اق مەكتەپتەر ءۇشىن ءتيىمدى وقۋ ماتەريالىن تاڭداۋ، دەپ حابارلايدى aqshamnews.kz وقۋ-اعارتۋ مينيسترلىگىنە سىلتەمە جاساپ.
اپروباسيا 4-سىنىپقا ارنالعان كەلەسى وقۋلىقتاردى قامتيدى: «بەينەلەۋ ونەرى»، «ەڭبەككە باۋلۋ»، «ورىس ءتىلى» (قازاق تىلىندە وقىتاتىن مەكتەپتەر ءۇشىن)، «شەت تىلدەرى» (اعىلشىن، نەمىس، فرانسۋز) جانە «سيفرلىق ساۋاتتىلىق» (ەلەكتروندىق وقۋلىق).
اپروباسياعا پەداگوگتەر مەن وقۋشىلار قاتىسۋدا، بۇل وقۋلىقتاردىڭ فۋنكسيونالدىعى مەن تيىمدىلىگى تۋرالى تولىق ماعلۇمات الۋعا مۇمكىندىك بەرەدى.
ەستەرىڭىزگە سالا كەتەيىك، ورتالىق بەس ساتىلى ساراپتاما جۇمىسىن جۇرگىزەدى: عىلىمي-پەداگوگيكالىق ساراپتاما، پىسىقتاۋ كەزەڭى، پيلوتتىق مەكتەپتەردە سىناقتان وتكىزۋ، قوعامدىق تالقىلاۋ جانە پاندىك ساراپتاما كوميسسياسى. ساراپشى بولۋعا ءوتىنىش بەرگىسى كەلەتىن مۇعالىمدەر bmso.kz رەسمي سايتىندا ساۋالنامادان وتە الادى.