الماتىلىق ءۇش مىڭ وقۋشى Nur Otan پارتياسى فيليالدارىنىڭ كومەگىمەن مەكتەپكە جينالدى. پارتيانىڭ الماتى قالالىق فيليالى ءتوراعاسىنىڭ ءبىرىنشى ورىنباسارى مەيىرجان وتىنشييەۆتىڭ ايتۋىنشا، اكسيا بارىسىندا مەگاپوليستەگى نۇروتاندىقتار مەن دەپۋتاتتار بەلسەندىلىك پەن مەيىرىمدىلىك تانىتتى، دەپ حابارلايدى almaty-akshamy.kz
«بالالاردى مەكتەپكە دايىنداۋ كەزىندە از قامتىلعان جانە الەۋمەتتىك وسال وتباسىلاردىڭ توڭىرەگىندەگى ۇيىمشىلدىق – بۇل پارتيانىڭ الماتى قالاسى بويىنشا سايلاۋالدى باعدارلاماسىنىڭ ناقتى ىسكە اسىرىلۋىنىڭ ناتيجەسى. ءبىزدىڭ مەگاپوليستە ۇسىنىلعان پارتيانىڭ بارلىق سەگىز فيليالى كەزەكتى رەت جۇرەك جىلۋىن سىيلاپ، بىرلىگىن كورسەتتى. بۇل قايىرىمدىلىق اكسياسى ءالى جالعاساتىن بولادى»، - دەدى مەيىرجان وتىنشييەۆ.
كومەككە اسا مۇقتاج 1744 وتباسىلارى مەكتەپ كەرەك-جاراقتارىمەن قامتاماسىز ەتىلدى. پارتيانىڭ قالالىق فيليالى جانىنداعى سىبايلاس جەمقورلىققا قارسى ءىس-قيمىل جونىندەگى قوعامدىق كەڭەستىڭ جەتەكشىسى، زاڭ عىلىمدارىنىڭ دوكتورى، دەپۋتات زاۋرەش ومىربايەۆا المالى اۋدانىنىڭ وقۋشىلارىنا كەڭسە تاۋارلارىمەن جابدىقتالعان 1000 ريۋكزاك سىيعا تارتتى. ال ونىڭ كەڭەس بويىنشا ورىنباسارى، دەپۋتات-مەسەنات ەربولات قاسىموۆ الماتىلىقتارعا وقۋ جىلى قارساڭىندا جىل سايىن قايىرىمدىلىقپەن كەڭىنەن تانىمال.
«بيىل بالالارعا كەڭسە تاۋارلارى بار مەكتەپ ريۋكزاكتارىنان باسقا، وتاندىق وندىرۋشىدەن مەكتەپ فورماسىن ساتىپ الۋعا سەرتيفيكاتتار بەرۋدى ۇيعاردىم. سەرتيفيكاتتار كەلەسى جىلدىڭ سوڭىنا دەيىن جارامدى، ەگەر وسى جىلى اتا-انالار بالالارعا مەكتەپ فورماسىن الماسا، كەلەسى جىلى ساتىپ الۋعا بولادى»، - دەپ اتاپ ءوتتى "نۇروتاندىق" ەربولات قاسىموۆ.
جەتىسۋ اۋدانىندا "نۇروتاندىقتار" الەۋمەتتىك وسال وتباسىلاردان شىققان 350 وقۋشىنى قامتىپ، ولاردىڭ 100ء-ى بەلگىلى كاسىپكەر قايرات قۇدايبەرگەننەن ريۋكزاكتار الدى. مەدەۋ اۋدانىندا "نۇروتاندىقتاردان" 200 بالا سىيلىق الدى، ناۋرىزباي اۋدانىندا 120 بالا بولسا، ونىڭ جارتىسىنا پارتيانىڭ ناۋرىزباي اۋداندىق فيليالى ساياسي كەڭەسىنىڭ مۇشەلەرى مەكتەپكە دايىندالدى. تۇركسىب اۋدانىندا دەپۋتات شۋحراد شاردينوۆ ءجۇز وقۋشىعا جالپى سوماسى 1 ملن تەڭگەگە سىيلىق تابىستادى. سونىمەن قاتار، ونىڭ باسشىلىعىمەن «ازمك» زاۋىتىندا جۇمىس ىستەيتىن 48 كوپ بالالى وتباسى وسى اكسياعا وراي اقشالاي كومەك الدى.
«ءبىزدىڭ زاۋىتتا 12 وتباسىلىق اۋلەت جۇمىس ىستەيدى، سوندىقتان ءبىز بۇل ءداستۇردى الداعى ۋاقىتتا دا جالعاستىرامىز جانە الماتىلىقتاردىڭ وسكەلەڭ ۇرپاعى ءوز اتا-انالارىنىڭ جولىمەن جۇرەدى دەپ ۇمىتتەنەمىز!» - دەءدى "نۇروتاندىق" شۋحراد شاردينوۆ.