300 ملن تەڭگە قارىزى بار بورىشكەردىڭ شەتەلگە شىعۋىنا شەكتەۋ قويىلدى
مەملەكەتتىك سوت ورىنداۋشىسى (جاۋاپكەر) كاسساسيالىق شاعىممەن جۇگىندى. بۇعان دەيىن سوتتار جەكە تۇلعانىڭ قازاقستان رەسپۋبليكاسىنىڭ اۋماعىنان تىس جەرلەرگە شىعۋىن بەلگىلى ءبىر دەرەكتەردىڭ بولماۋىنا بايلانىستى ۋاقىتشا شەكتەۋ جونىندەگى قاۋلىسىنىڭ كۇشىن جويعان. قازىرگى كەزدە تالاپكەردىڭ قارىزى 300 ملن تەڭگەگە جۋىق، اي سايىن 25 مىڭ تەڭگەدەن تولەيدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
تالاپكەر قارىزىن تولەۋدەن باس تارتىپ وتىرعان جوق، ءبىراق ونىڭ بەرەشەگىن وتەيتىن قانداي دا ءبىر اكتيۆتەرى جوق. بورىشكەر مەديسينالىق تەكسەرۋدەن ءوتۋ ءۇشىن ەلىمىزدىڭ اۋماعىنان شىققىسى كەلەدى. بۇل رەتتە تالاپكەر ەلىمىزدىڭ مەديسينالىق كومەگىنە جۇگىنبەيدى جانە ونىڭ دياگنوزىن انىقتاعىسى كەلەتىن ناۋقاسى اۋىر ساناتقا جاتپايدى.
جوعارعى سوتتىڭ اكىمشىلىك ىستەر جونىندەگى سوت القاسىنىڭ تۇجىرىمى مىناداي: 1) قارىزدىڭ كورسەتىلگەن مولشەرى كەزىندە شىعۋدى شەكتەۋ – زاڭعا سايكەس مەملەكەتتىك سوت ورىنداۋشىسىنىڭ مىندەتى. وعان سوت سانكسيا بەردى. 2) بورىشكەردىڭ قۇقىقتارى بۇزىلماعان، ويتكەنى وعان بۇعان دەيىن بەلگىلەنگەن تارتىپپەن ەمدەلۋ ءۇشىن شەتەلگە شىعۋ قۇقىعى بەرىلگەن. 3) بورىشكەردىڭ شەكتەۋدى توقتاتا تۇرۋ تۋرالى سوڭعى ءوتىنىشى قاجەتتى قۇجاتتارمەن راستالماعاندىقتان، مەملەكەتتىك سوت ورىنداۋشىسى ونى قاناعاتتاندىرماعان. بورىشكەر ونىڭ شەشىمىنە شاعىم كەلتىرمەگەن. 4) سوتتار داۋلى قاۋلىداعى كەمشىلىكتەردى دۇرىس اتاپ ءوتتى، ءبىراق ولار شىعۋعا شەكتەۋ ەرەجەلەرىنىڭ زاڭسىزدىعىنا اكەپ سوقپايتىنىن، ياعني فورمالدى بولىپ تابىلاتىنىن ەسكەرمەگەن. 5) ارپك-نىڭ 84-بابىنىڭ 1-تارماعىنا سايكەس، ءمانى بويىنشا دۇرىس اكىمشىلىك اكت ءبىر عانا فورمالدى نەگىزدەر بويىنشا زاڭسىز دەپ تانىلا المايدى. كاسساسيا تومەنگى ساتىداعى سوتتاردىڭ اكتىلەرىنىڭ كۇشىن جويىپ، تالاپكەر – جەكە تۇلعانىڭ تالاپ قويۋىن قاناعاتتاندىرۋدان باس تارتتى.