اۋا رايىنىڭ قولايسىزدىعى جاعدايىندا جولاۋشىلار پويىزدارى 300 استام ادامدى الىپ كەتتى
اعىمداعى جىلدىڭ 13-14 جەلتوقسان ارالىعىندا قاردىڭ، ايازدىڭ جانە اۆتوموبيل جولدارىنىڭ جابىلۋىنىڭ قيىن جاعدايلارىندا "جولاۋشىلار تاسىمالى" اق باسقا دا تاسىمالداۋشىلارمەن بىرلەسىپ ادامداردى اكەتۋدى ۇيىمداستىردى، دەپ حابارلايدى اlmaty-akshamy.kz.
جولاۋشىلار پويىزدارى بوراندى ستانسياسىنان شىمكەنت جانە تۇلكىباس ستانسيالارىنا اۋا رايى قولايسىز ايماقتان 300 استام ادامدى تاسىمالدادى. ماسەلەن، شىمكەنتكە 240 جولاۋشى №33 "الماتى — اقتوبە" جانە №77 "الماتى- ماڭعىستاۋ" پويىزدارىمەن جەتكىزىلدى. تاعى 108 جولاۋشى №55 "كوكشەتاۋ — قىزىلوردا" پويىزىمەن تاسىمالداندى. اۋا-رايىنىڭ قولايسىزدىعىنا قاراماستان، جولاۋشىلار پويىزدارىنىڭ قوزعالىسى توقتامايدى. تەمىرجولدىڭ بارلىق قۇرىلىمدىق بولىمشەلەرى جولاۋشىلاردى ءقاۋىپسىز تاسىمالداۋدى قامتاماسىز ەتتى.