الماتىدا 30 قىركۇيەك كۇنi ساعات 12:55- تە دابىل (سيرەنا) بەلگىسى ىسكە قوسىلادى، دەپ حابارلايدى almaty-akshamy.kz
«2021 جىلى 30 قىركۇيەكتە تۇسكى ساعات 12.55-تە الماتى قالاسى توتەنشە جاعدايلار دەپارتامەنتى قوعامدىق ەسكەرتۋ جۇيەسىنىڭ دايىندىعىن جوسپارلى تەحنيكالىق تەكسەرۋدەن وتكىزەدى. جاتتىعۋ كەزىندە «نازار اۋدارىڭىزدار!» حابارلاماسىمەن بىرگە ەلەكتروندى دابىل ىسكە قوسىلادى. وعان قوسا، تەلەراديوارنالاردىڭ جۇمىسى اۆتوماتتى تۇردە توقتاتىلىپ، دابىل حابارلاماسى تاراتىلادى»،- دەپ حابارلادى توتەنشە جاعدايلار دەپارتامەنتىنەن.
ۆەدومستۆو ماماندارى الماتى قالاسىنىڭ تۇرعىندارى مەن قوناقتارىنان سابىر ساقتاۋدى سۇرايدى.
ەگەر دابىل كەزىندە ۇيدە بولساڭىز:
- راديوقابىلداعىشتى نەمەسە تەلەديداردى قوسىڭىز؛
- توتەنشە جاعداي تۋرالى حابارلامانى تىڭداڭىز؛
- بەرىلگەن حابارلاماعا سايكەس ارەكەت ەتىڭىز.
ەگەر دابىل كەزىندە كوشەدە بولساڭىز:
- كوشەدەگى داۋىس زورايتقىشتارمەن جانە ءموبيلدى ەسكەرتۋ قۇرىلعىلارىمەن جىبەرىلگەن توتەنشە جاعداي تۋرالى حابارلاماعا قۇلاق اسىڭىز؛
- بەرىلگەن حابارلاماعا سايكەس ارەكەت ەتىڭىز.