رەسپۋبليكانىڭ تەك باتىسىندا ەۋروپالىق سيكلون جىراسى اسەرىنەن جاۋىن-شاشىن كوكتايعاق، تۇمان، ەكپىندى جەل تۇرادى.
«قازگيدرومەت» رمك 30 قاراشاعا ارنالعان اۋا رايى بولجامىن جاريالادى، دەپ حابارلايدى Almaty-akshamy.kz
اۋقىمدى انتيسيكلون جوتاسى ءالى دە رەسپۋبليكانىڭ باسىم بولىگىندەگى اۋا رايىنا اسەر ەتەدى. سوعان وراي كۇن رايى جاۋىن-شاشىنسىز بولماق. رەسپۋبليكانىڭ تەك باتىسىندا ەۋروپالىق سيكلون جىراسى اسەرىنەن جاۋىن-شاشىن (جاڭبىر مەن قار تۇرىندە)، كوكتايعاق، تۇمان، ەكپىندى جەل تۇرادى.
باتىس قازاقستان وبلىسىنىڭ سولتۇستىك جارتىسىندا تۇمان، كوكتايعاق، 15-20 م/س ەكپىندە جەل بولادى.
اتىراۋ وبلىسىنىڭ سولتۇستىگىندە تۇمان، باتىسى مەن شىعىسىندا 15-20 م/س جىلدامدىقتا جەل تۇرادى.
ماڭعىستاۋ وبلىسىنىڭ باتىسى مەن ورتالىعىندا جەل كۇشەيەدى - 15-20 م/س، كۇندىز شاڭدى داۋىل بولادى.
قوستاناي وبلىسىنىڭ وڭتۇستىگىندە، سولتۇستىك-قازاقستان وبلىسىنىڭ باتىسىندا، قىزىلوردا وبلىسىنىڭ سولتۇستىگىندە، جامبىل وبلىسىنىڭ تاۋلى جانە تاۋ بوكتەرىندەگى اۋداندارىندا تۇمان كۇتىلەدى.
قوستاناي وبلىسىنىڭ باتىسىندا جەل كۇشەيەدى، ەكپىنى - 15-20 م/س.
الماتى وبلىسىنىڭ الاكول اۋدانىندا جەلدىڭ ەكپىنى 28 م/س كۇشەيەدى.