الماتىدا كوشپەلى بۇلت شىعادى
سينوپتيكتەر جاڭا جىل قارساڭىندا قازاقستاندا اۋا رايى قانداي بولاتىنىن ايتتى. بولجام بويىنشا، قار، جاڭبىر جاۋىپ، تۇمان، كوكتايعاق، جەل بولادى، دەپ حابارلايدى Almaty-akshamy.kz.
"قازگيدرومەت" رمك مالىمەتىنشە، قازاقستان اۋماعىنىڭ باسىم بولىگى سيكلوندىق جەلدىڭ جانە اتموسفەرالىق فرونتتاردىڭ ىقپالىندا بولادى. سوعان بايلانىستى قار جاۋادى، وڭتۇستىكتە، باتىستا جاۋىن-شاشىن (جاڭبىر، قار)، تۇمان تۇسەدى.
الماتىدا كوشپەلى بۇلت شىعادى، اۋىق-اۋىق قار جاۋادى. جەلدىڭ ەكپىنى - 0-5 م/س. اۋا تەمپەراتۋراسى تۇندە -2...-4°C، كۇندىز 0...+2°C.
"ەلدىڭ سولتۇستىگىندە، ورتالىعىندا، شىعىسىندا جاياۋ بۇرقاسىن بولادى. باتىستا، وڭتۇستىكتە، ورتالىقتا كوكتايعاق، وڭتۇستىكتە، وڭتۇستىك-شىعىستا، شىعىستا جەل كۇشەيەدى"، - دەلىنگەن حابارلامادا.
بۇعان دەيىن سينوپتيكتەر استانا، الماتى جانە شىمكەنت قالالارىنىڭ ءۇش كۇنگە – 2022 جىلدىڭ 30 جەلتوقسانىنان 2023 جىلدىڭ 1 قاڭتارىنا دەيىنگى اۋا رايى بولجامىن جاريالاعان ەدى.