مادەنيەت جانە سپورت مينيسترلىگى 3 بۋكمەكەرلىك كەڭسەنىڭ ليسەنزياسىن سوت تارتىبىمەن جويۋ بويىنشا جۇمىس جۇرگىزىپ جاتىر
جىل باسىنان بەرى زاڭنامانى بۇزعان 5 بۋكمەكەرلىك كەڭسەنىڭ قىزمەتى توقتاتىلدى، دەپ حابارلايدى Almaty-akshamy.kz.
ەستەرىڭىزگە سالا كەتەيىك، قازاقستانداعى بۋكمەكەرلىك كەڭسەلەر سانى 2 ەسەدەن استام قىسقاردى. ەگەر 2021 جىلدىڭ باسىندا ەلدە 38 بۋكمەكەرلىك كەڭسە جۇمىس ىستەسە، بۇگىندە ولاردىڭ سانى - 16. ال ونىڭ ىشىندە ءىس جۇزىندە جۇمىس ىستەيتىندەرى - 12.
بۋكمەكەرلىك كەڭسەلەردىڭ سانىن ازايتۋ ءۇشىن مادەنيەت جانە سپورت مينيسترلىگى ءتۇسىندىرۋ جۇمىسىن جۇرگىزۋدە. مىسالى، سوڭعى 3 جىلدا بۋكمەكەرلىك كەڭسەلەر 15 ليسەنزيانى ءوز ەركىمەن تاپسىرعان.
«ءمينيستردىڭ تاپسىرماسى بويىنشا وسى باعىتتاعى جۇمىس كۇشەيتىلەتىن بولادى. بۇگىنگى تاڭدا مادەنيەت جانە سپورت مينيسترلىگىنىڭ قاتىسۋىمەن ويىن بيزنەسى جانە لوتەرەيا قىزمەتى سالاسىنداعى زاڭناماعا 62 تۇزەتۋدى، سونداي-اق ىلەسپە نورماتيۆتىك-قۇقىقتىق اكتىلەردى كوزدەيتىن 3 زاڭ جوباسى ازىرلەندى. سونداي - اق، ءبىز ويىن بيزنەسىنىڭ جارناماسىمەن كۇرەسۋ ءۇشىن زاڭنامالىق دەڭگەيدە تۇزەتۋلەرگە باستاماشى بولامىز»،- دەدى مادەنيەت جانە سپورت ۆيسە-مينيسترى ەرجان ەركىنبايەۆ.