قازاقستاندا 2014 جىلدان باستاپ قىركۇيەكتىڭ ءار سوڭعى جەكسەنبىسىندە ەڭبەك كۇنى اتاپ وتىلەدى.
بۇل ءوزىنىڭ ادال ەڭبەگىمەن ەگەمەن ەلىمىزدىڭ ەكونوميكاسىنىڭ نەگىزىن قالاعان، سونداي-اق «جالپىعا ورتاق ەڭبەك قوعامىن» دامىتۋعا ۇلەس قوسقان ەڭبەكقور جاندارعا العىس بىلدىرۋگە ارنالعان مەرەكە، دەپ حابارلايدى aqshamnews.kz.
ەڭبەك كۇنى الەمنىڭ 100-دەن استام ەلىندە اتاپ وتىلەدى، ال كەيبىر ەلدەردە ول مەملەكەتتىك مەرەكە مارتەبەسىنە يە. قازاقستاندا بيىل مەرەكە 29 قىركۇيەككە سايكەس كەلەدى.
جىل سايىن ەڭبەك كۇنىن مەرەكەلەۋ قارساڭىندا ءتۇرلى ءىس-شارالار وتكىزىلەدى، ونىڭ ماقساتى قوعامداعى «ەڭبەك ادامى» مارتەبەسىن ارتتىرۋ جانە ەڭبەك ونىمدىلىگىن ىنتالاندىرۋ؛ كاسىپورىندار مەن ۇيىمداردا جاڭا ەڭبەك اۋلەتتەرىن قالىپتاستىرۋ ءۇشىن ەڭبەك ادامدارى تۋرالى وڭ قوعامدىق پىكىر قالىپتاستىرۋ، سونداي-اق جاستاردى ەڭبەككە قۇرمەتپەن قاراۋ، ەڭبەك داستۇرلەرىن ساقتاۋ جانە كوبەيتۋ رۋحىندا تاربيەلەۋ.
سونداي-اق، وڭىرلەردە ەڭبەك ارداگەرلەرى، ءوندىرىس وزاتتارى جانە ت.ب. العىس حاتتارمەن جانە وزگە دە كوتەرمەلەۋ شارالارىمەن ماراپاتتالادى.
«ەڭبەك كۇنى – كۇنتىزبەدەگى اتاۋلى كۇن بولعانىمەن بىرگە، بۇل جۇمىس ساپاسىنىڭ كورسەتكىشى. ەڭبەك جانە الەۋمەتتىك قورعاۋ مينيسترلىگى قازاقستان رەسپۋبليكاسىنىڭ ەڭبەك نارىعىن دامىتۋدىڭ 2024 – 2029 جىلدارعا ارنالعان تۇجىرىمداماسىن ىسكە اسىرۋ شەڭبەرىندە ساپالى جۇمىس ورىندارىنىڭ سانىن ۇلعايتۋ بويىنشا جوسپارلى جۇمىس جۇرگىزۋدە، اتاپ ايتقاندا، ولار: بۇل تۇراقتى جۇمىسپەن قامتۋ، ءقاۋىپسىز جۇمىس ورتاسى، ەڭبەكاقىنىڭ لايىقتى دەڭگەيى، الەۋمەتتىك كەپىلدىكتەر.
بيىل ەڭبەك كۇنىن مەرەكەلەۋدىڭ نەگىزگى ميسسياسى ءاربىر قازاقستاندىق وتباسى مەن تۇتاستاي مەملەكەتتىڭ ءال-اۋقاتى، سونداي-اق تۇراقتىلىعىنىڭ كەپىلى رەتىندە ادال جانە اسىل ەڭبەك يدەياسىن دامىتۋ بولىپ تابىلادى» – دەپ اتاپ ءوتتى ق ر ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا..
مەرەكەنىڭ جالپى تۇجىرىمداماسى ەڭبەك قۇندىلىقتارىن كەڭىنەن ىلگەرىلەتۋگە جانە ولاردىڭ مارتەبەسى مەن الەۋمەتتىك جاعدايىنا قاراماستان، «ەڭبەك ادامىنا»، ءارتۇرلى كاسىپتەر مەن ماماندىقتارداعى ادامدارعا قۇرمەتپەن قاراۋدى قالىپتاستىرۋعا ارنالعان. بۇل ۇندەۋ مەملەكەت باسشىسىنىڭ 2024 جىلعى 2 قىركۇيەكتەگى «ادىلەتتى قازاقستان: زاڭ مەن ءتارتىپ، ەكونوميكالىق ءوسىم، قوعامدىق وپتيميزم» اتتى قازاقستان حالقىنا جولداۋىندا ايتىلعان سوزدەرىمەن ۇشتاستىرىلعان.
ەستەرىڭىزگە سالا كەتەيىك، 2014 جىلدان باستاپ ەڭبەك جانە حالىقتى الەۋمەتتىك قورعاۋ مينيسترلىگى ەڭبەك كۇنىن مەرەكەلەۋگە ارنالعان رەسپۋبليكالىق فورۋم وتكىزىپ كەلەدى. فورۋم اياسىندا «ەڭبەك جولى» رەسپۋبليكالىق كونكۋرسىنىڭ جەڭىمپازدارىنا قۇرمەت كورسەتۋ مەن زەينەتكەرلىك جاسقا تولعان جانە ەڭبەك قىزمەتىندە ەڭ جوعارى ناتيجە كورسەتكەن ەڭبەك ارداگەرلەرىن «ەڭبەك ارداگەرى» مەدالىمەن ماراپاتتاۋ وتكىزىلەدى.