"قازگيدرومەت" بۇگىنگى كۇنى كۇتىلەتىن ەرەكشە مەتەورولوگيالىق قۇبىلىستارعا بولجاۋ كونسۋلتاسياسىن جاريالادى
رەسپۋبليكامىزدىڭ باسىم بولىگى جوعارى قىسىم القابىنىڭ اسەرىندە بولۋىنا بايلانىستى كوبىنە جاۋىن-شاشىنسىز اۋا-رايى كۇتىلەدى. تەك ەلىمىزدىڭ وڭتۇستىگىندە، وڭتۇستىك-شىعىس جانە شىعىسىندا دا فرونتالدى بولىكتەردىڭ وتۋىنە بايلانىستى، جاۋىن-شاشىن، تاۋلى اۋدانداردا قاتتى جاۋىن-شاشىن (جاڭبىر، قار) جاۋادى، دەپ حابارلايدى اlmaty-akshamy.kz قازاقپارات سايتىنا سىلتەمە جاساپ.
اقمولا وبلىسىنىڭ سولتۇستىك جانە باتىسىندا، تۇركىستان وبلىسىنىڭ تاۋ اسۋلارىندا، كۇندىز قوستاناي وبلىسىنىڭ باتىس جانە سولتۇستىك-باتىسىندا، تۇندە شىعىس قازاقستان وبلىسىنىڭ وڭتۇستىك-باتىسىندا جەلدىڭ 15-20 م/س كۇشەيۋى كۇتىلەدى. اتىراۋ وبلىسىنىڭ باتىسىندا، ورتالىق جانە شىعىسىندا، ماڭعىستاۋ وبلىسىنىڭ سولتۇستىگىندە، اقتوبە وبلىسىنىڭ ورتالىعىندا، قاراعاندى وبلىسىنىڭ ورتالىعى مەن شىعىسىندا، جامبىل وبلىسىنىڭ تاۋلى اۋداندارىندا تۇمان كۇتىلەدى.
سولتۇستىك-كازاقستان وبلىسىنىڭ وڭتۇستىك جانە باتىسىندا تۇمان كۇتىلەدى، تۇندە وڭتۇستىك-باتىسىندا جەلدىڭ كۇشى 15-20 م/س، كۇندىز وبلىستىڭ باسىم بولىگىندە 15-20، ەكپىنى 23 م/س. تۇندە پاۆلودار وبلىسىنىڭ وڭتۇستىگىندە تۇمان، كۇندىز وبلىستىڭ سولتۇستىك-باتىسىندا جەلدىڭ 15-20 م/س كۇشەيۋى كۇتىلەدى.