تاۋەلسىز قازاقستاننىڭ تۇڭعىش قورعانىس ءمينيسترى، قازاقستاننىڭ مەملەكەت جانە اسكەري قايراتكەرى، كەڭەس وداعىنىڭ باتىرى، №1 حالىق قاھارمانى، ارميا گەنەرالى ساعدات قوجاحمەت ۇلى نۇرماعامبەتوۆتىڭ 100 جىلدىق مەرەيتويىنا وراي 28 گۆاردياشى-پانفيلوۆشىلار ساياباعىندا سالتاناتتى ءىس-شارا ءوتتى.
«وفيسەرلەر وداعى» قب ۇيىمداستىرۋمەن وتكەن سالتاناتتى ءىس-شارا بارىسىندا ساعدات نۇرماعامبەتوۆقا قۇرمەت كورسەتىلىپ، «ماڭگىلىك الاۋعا» گۇل شوقتارى قويىلدى. ءىس-شاراعا ۇوس قاتىسۋشىلارى مەن تىل ەڭبەككەرلەرى، «وفيسەرلەر وداعى» قب وكىلدەرى، ق ر قارۋلى كۇشتەرىنىڭ ارداگەرلەرى جانە قالا تۇرعىندارى قاتىستى.
- ساعدات نۇرماعامبەتوۆتىڭ ەڭبەگى مەن ەرلىگىن دارىپتەۋ ماقساتىندا ۇلكەن جۇمىس اتقارىلىپ جاتىر. 2017 جىلى ونىڭ قولا ءبيۋستىن ماسكەۋدىڭ ورتالىق مۇراجايىنىڭ داڭق زالىنا قويىلدى. جەكە ءوزىن ەسكە الاتىن بولسام، ول ءوز جاۋىنگەرلەرىن جاقسى كورەتىن. بىزگە قامقور بولاتىن، پولك كومانديرلەرىنىڭ ءارقايسىسىن جەكە-جەكە اتى-جونىمەن تانيتىن. ءوزى كازارمالاردى ارالاپ، ساربازداردىڭ جاي-كۇيىمەن تانىساتىن. قازاقستان قارۋلى كۇشتەرىنىڭ قايسىسى قاي جەردە ەكەنىن تولىق بىلەتىن. كوپتەگەن اسكەري بولىمدەرى ءوزى جەكە اشتى. ساعدات نۇرماعامبەتوۆتىڭ باسشىلىعىمەن اۋىر كەزەڭدە ەلىمىزدىڭ اسكەرىن ساقتاپ قالدىق جانە ونى ءارى قاراي دامىتا الدىق، – دەدى «وفيسەرلەر وداعى» قب ءتوراعاسى، گەنەرال-مايور ماحمۇت تەلەگۋسوۆ.