ۇستالعان ادام ۋاقىتشا ۇستاۋ يزولياتورىنا ورنالاستىرىلدى.
الماتى پوليسياسىنىڭ ماماندارى قالا تۇرعىندارىن الدادى دەگەن كۇدىكپەن 28 جاسار ازاماتتى ۇستادى، دەپ حابارلايدى Almaty-akshamy.kz.
ىشكى ىستەر مينيسترلىگىنىڭ رەسمي سايتىندا بەرىلگەن اقپارات بويىنشا، شىلدەنىڭ وزىندە پوليسياعا 20-دان استام ادام الاياقتىق تۋرالى ارىزبەن جۇگىنگەن.
ءتارتىپ ساقشىلارىنىڭ ايتۋىنشا، پ.ەسىمدى ەر ادام كەپىلگە قويىلعان اۆتوكولىكتەردى قىمباتتاتىلعان باعامەن ساتامىن دەگەن. جابىرلەنۋشىلەردىڭ سەنىمىنە يە بولىپ، ولاردىڭ كولىكتەرىن الىپ، ونى دەرەۋ ءۇشىنشى تۇلعالارعا ارزان باعامەن قايتا ساتقان. «شىنجىر» وسىلاي تۇرعىزىلدى. بىرنەشە كولىكتى ساتىپ جىبەرگەن قاسكوي ادامداردىڭ سەنىمىنە كىرگەن جانە ولار وعان اقشا بەرىپ، تانىستارىنا «جۇمىس ىستەيتىن» جىگىتتى كەڭەس بەرە باستادى. اقشانى العاننان كەيىن باستاماشىل جىگىت بەلگىسىز باعىتقا جاسىرىنعان. ال تۇسكەن قاراجاتتى ءوز قالاۋى بويىنشا پايدالانعان.
«جەدەل ىزدەستىرۋ ءىس-شارالارى بارىسىندا 28 جاستاعى ازامات ۇستالدى. ءقازىر قىزمەتكەرلەر الاياقتىقتىڭ 20 فاكتىسىن دالەلدەدى. كەلتىرىلگەن شىعىن – 300 ميلليون تەڭگەدەن استام. وسى بويىنشا سوتقا دەيىنگى تەرگەۋدىڭ ءبىرىڭعاي تىزىلىمىندە 190-بابى 3-بولىمىنە سايكەس قىلمىستىق ءىس قوزعالدى. ۇستالعان ادام ۋاقىتشا ۇستاۋ يزولياتورىنا ورنالاستىرىلدى. ءۇش كولىك زاتتاي دالەل رەتىندە زاڭدى يەلەرىنە قايتارىلدى. تاعى بىرنەشە كولىك تاركىلەنىپ، زاتتاي ايعاق رەتىندە ايىپپۇل تۇراعىنا قويىلدى»، – دەدى الاتاۋ اۋداندىق پوليسيا باسقارماسى جانىنداعى پوليسيا ءبولىمىنىڭ باستىعى قۇماربەك كەنشىنبايەۆ.
جوعارىدا اتالعان الاياقتىڭ قىلمىستىق ارەكەتتەرىنەن زارداپ شەككەن ازاماتتار الاتاۋ اۋدانىنىڭ پوليسيا بولىمىنە مىنا تەلەفوندار ارقىلى حابارلاسا الادى: 393-40-73، 393-40-69 نەمەسە 102.
