«قازگيدرومەت» رمك-سى تامىزدىڭ 27ء-سى كۇنگى اۋا رايى بولجامىن جاريالادى، دەپ حابارلايدى almaty-akshamy.kz
قازاقستان اۋماعىنىڭ باسىم بولىگىندە كۇن جاۋىن-شاشىنسىز بولادى. تەك اتموسفەرالىق فرونتالدى بولىكتەردىڭ وتۋىنە بايلانىستى سولتۇستىكتە، سولتۇستىك-باتىستا، تاۋلى اۋدانداردىڭ وڭتۇستىك-شىعىسىندا جانە وڭتۇستىگىندە جاڭبىر جاۋىپ، نايزاعاي وينايدى. رەسپۋبليكا بويىنشا جەل كۇشەيىپ، سولتۇستىكتە، تاۋلى اۋدانداردىڭ وڭتۇستىك-شىعىسىندا بۇرشاق جاۋادى.
تۇركىستان، كۇندىز جامبىل، الماتى وبلىستارىنىڭ تاۋلى اۋداندارىندا، باتىس قازاقستان وبلىسىنىڭ وڭتۇستىك-باتىسىندا، قوستاناي وبلىسىنىڭ سولتۇستىگىندە، سولتۇستىك قازاقستان وبلىسىنىڭ سولتۇستىك-باتىسىندا نايزاعاي ويناپ، نايزاعاي كەزىندە جەل 15-20 م/س-قا دەيىن كۇشەيەدى.
كۇندىز جامبىل وبلىسىنىڭ تاۋلى اۋداندارىندا، سولتۇستىك قازاقستان وبلىسىنىڭ سولتۇستىك-باتىسىندا، سولتۇستىك-شىعىسىندا بۇرشاق جاۋادى. كۇندىز الماتى، اتىراۋ، اقتوبە وبلىستارىنىڭ باسىم بولىگىندە، قوستاناي، باتىس قازاقستان، ماڭعىستاۋ وبلىستارىنىڭ وڭتۇستىگىندە اپتاپ ىستىق بولادى.
ماڭعىستاۋ، اتىراۋ، باتىس قازاقستان، اقتوبە، قىزىلوردا، تۇركىستان، جامبىل، الماتى وبلىستارىندا، قوستاناي، شىعىس قازاقستان وبلىستارىنىڭ وڭتۇستىگىندە، قاراعاندى وبلىسىنىڭ وڭتۇستىك-باتىسىندا، اقمولا وبلىسىنىڭ وڭتۇستىگىندە، سولتۇستىك-باتىسىندا توتەنشە ءورت ءقاۋپى ساقتالادى.