ەلىمىزدىڭ جەتى وڭىرىندە داۋىلدى ەسكەرتۋ جاريالاندى
ەلىمىزدىڭ ءبىرقاتار ايماعىندا داۋىل ەسكەرتۋ جاريالاندى. بۇل مالىمەتپەن "قازگيدرومەت" رمك ءبولىستى، دەپ حابارلايدى Almaty-akshamy.kz.
27 قىركۇيەكتە سولتۇستىك قازاقستان وبلىسىنىڭ باسىم بولىگىندە جاۋىن-شاشىن تۇسەدى. پەتروپاۆلدا كۇن جاۋىن-شاشىندى بولادى دەپ كۇتىلەدى.
تۇركىستان وبلىسىنىڭ دا باسىم بولىگىندە 27-28 قىركۇيەكتە توتەنشە ءورت ءقاۋپى ساقتالادى.
27 قىركۇيەكتە قىزىلوردا وبلىسى مەن قىزىلوردا قالاسىندا دا توتەنشە ءورت ءقاۋپى ساقتالادى.
سينوپتيكتەر اقتوبە وبلىسىنىڭ سولتۇستىك-شىعىسىندا باتىستان، سولتۇستىك-باتىستان 16 م/س جىلدامدىقپەن جەل سوعادى دەپ بولجاپ وتىر.
29 قىركۇيەكتە اباي وبلىسىندا قار ارالاس جاڭبىر جاۋادى. وبلىستىڭ سولتۇستىك-باتىسىندا تۇمان تۇسەدى. وبلىستىڭ سولتۇستىگىندە، وڭتۇستىگىندە، باتىسىندا سولتۇستىك-باتىستان وڭتۇستىك-باتىسقا قاراي ويىسا سوققان جەلدىڭ ەكپىنى 15-20 م/س قۇرايدى، سىناپ باعانى كۇرت تومەندەيدى: تۇندە 0...+5-گە دەيىن، وبلىستىڭ سولتۇستىگىندە -3°C، كۇندىز +2...+ 7°C.
28-29 قىركۇيەكتە شىعىس قازاقستان وبلىسىنىڭ سولتۇستىگى مەن شىعىسىندا قاتتى جاۋىن-شاشىن بولۋى مۇمكىن. 29 قىركۇيەكتە وبلىستىڭ سولتۇستىك-باتىسىندا تۇمان تۇسەدى. تۇندە سىناپ باعانى كۇرت تومەندەيدى: 0...+5°C-گە دەيىن، وبلىستىڭ سولتۇستىگىندە، شىعىسىندا -5°C، كۇندىز +2...+ 7°C-گە دەيىن.
27 قىركۇيەكتە اقمولا وبلىسىنىڭ سولتۇستىك-باتىسىندا كۇندىز جاڭبىر جاۋىپ، ارتى قارعا ۇلاسۋى ىقتيمال.
تۇندە وبلىستىڭ سولتۇستىگىندە، وڭتۇستىگىندە، كۇندىز باسىم بولىگىندە باتىستان، سولتۇستىك-باتىستان ەكپىنى 15-20 م/س جىلدامدىقپەن جەل سوعادى، استانادا – باتىستان، سولتۇستىك-باتىستان جەل سوعادى، كۇندىز ەكپىنى 15-20 م/س جەتەدى.