سەيسەنبىگە ارنالعان اۋا رايى بولجامى
"قازگيدرومەت" 25 قاڭتاردا بولاتىن ەرەكشە مەتەورولوگيالىق قۇبىلىستارعا بولجاۋ جاريالادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ەلىمىزدىڭ باتىسىندا، سولتۇستىگىندە جانە وڭتۇستىك-شىعىسىندا فرونتالدى بولىكتەر اسەرىنەن قار جاۋىپ، رەسپۋبليكانىڭ باتىسىندا جەل كۇشەيىپ، كوكتايعاق بولادى.
ق ر قالعان بولىگىنە انتيسيكلون جوتاسى ءوز اسەرىن ساقتايدى – جاۋىن-شاشىنسىز اۋا رايى كۇتىلەدى. رەسپۋبليكا بويىنشا كەي جەرلەردە تۇمان كۇتىلەدى.
تۇركىستان وبلىسىنىڭ وڭتۇستىگىندە، باتىسىندا جانە تاۋلى اۋداندارىندا تۇمان كۇتىلەدى، تاۋلى اۋداندارىندا جەل 15-20 م/س كۇشەيەدى.
تۇندە اتىراۋ وبلىسىنىڭ سولتۇستىگى مەن ورتالىعىندا جەل 15-20 م/س كۇشەيەدى. كۇندىز ماڭعىستاۋ وبلىسىنىڭ باتىسىندا كوكتايعاق كۇتىلەدى.
اقمولا وبلىسىنىڭ باتىسىندا، سولتۇستىگىندە، باتىس قازاقستان وبلىسىنىڭ سولتۇستىگىندە، قوستاناي وبلىسىنىڭ سولتۇستىگى مەن شىعىسىندا، سولتۇستىك قازاقستان وبلىسىنىڭ وڭتۇستىگىندە، قىزىلوردا وبلىسىنىڭ وڭتۇستىگى مەن ورتالىعىندا، شىعىس قازاقستان وبلىسىنىڭ سولتۇستىگىندە، شىعىسىندا، پاۆلودار وبلىسىنىڭ وڭتۇستىگىندە، شىعىسىندا، جامبىل وبلىسىنىڭ وڭتۇستىك-شىعىسىندا، تاۋلى اۋداندارىندا، تۇندە الماتى وبلىسىنىڭ سولتۇستىگىندە، تاۋلى اۋداندارىندا تۇمان كۇتىلەدى.