ۆاكسينا سالدىرعاندار سانى بويىنشا الماتى قالاسى الدىڭعى ورىندا.
ونىڭ ىشىندە 1892 جۇكتى ايەل، 7 244 بالا ەمىزەتىن انا جانە 25 447 ءجاسوسپىرىم بار، دەپ حابارلايدى Almaty-akshamy.kz قالالىق قوعامدىق دەنساۋلىق ساقتاۋ باسقارماسىنا سىلتەمە جاساپ.
الماتى قالاسىندا ءبىر تاۋلىكتە 3 840 ادام كوروناۆيرۋسقا قارسى ۆاكسينا سالدىردى. بۇل تۋرالى قالالىق قوعامدىق دەنساۋلىق ساقتاۋ باسقارماسى ءمالىم ەتتى.
«18 قاڭتار كۇنى 3 840 الماتىلىق ۆاكسينا سالدىردى. ۆاكسينا سالدىرعاندار سانى بويىنشا الماتى قالاسى الدىڭعى ورىندا. وتكەن جىلدىڭ 1 اقپانى مەن بيىلعى 18 قاڭتار ارالىعىندا قالادا 1 090 869 تۇرعىن ۆاكسينانىڭ ءبىرىنشى كومپونەنتىن، 1 038 980 ادام ەكىنشى كومپونەنتىن سالدىرعان. ونىڭ ىشىندە 123 636 ادامنىڭ جاسى 60-تان اسقان»، - دەپ حابارلادى باسقارمادان.
بۇگىنگى تاڭدا Pfizer (Comirnaty) كومپانياسىنىڭ ەكپەسىن 34 583 ادام سالدىردى. ونىڭ ىشىندە 1892 جۇكتى ايەل، 7 244 بالا ەمىزەتىن انا جانە 25 447 ءجاسوسپىرىم بار. ريەۆاكسيناسيادان 93 089 الماتىلىق ءوتتى.
«بۇگىنگى تاڭدا قالادا مەديسينالىق ۇيىمداردا 119 ۆاكسيناسيا پۋنكتى جۇمىس ىستەيدى. 140 ۆاكسيناسيا بريگاداسىندا 522 مەديسينا قىزمەتكەرى جۇمىلدىرىلدى»، - دەپ اتاپ ءوتتى الماتى قالاسى قوعامدىق دەنساۋلىق باسقارماسىنىڭ باسپا ءسوز قىزمەتى.