ەلدىڭ باسىم بولىگىندە كۇن بۇلتتى
"قازگيدرومەت" رمك سينوپتيكتەرى 24 ساۋىرگە ارنالعان اۋا رايى بولجامىن جانە داۋىلدى ەسكەرتۋدى ۇسىندى. سينوپتيكتەردىڭ بولجامىنشا، ەرتەڭ جەل كۇشەيىپ، تۇمان تۇسەدى، رەسپۋبليكانىڭ وڭتۇستىگىندە، وڭتۇستىك-باتىسىندا شاڭدى داۋىل سوعادى، دەپ حابارلايدى Almaty-akshamy.kz.
رەسپۋبليكانىڭ باسىم بولىگىندە اتموسفەرالىق فرونتالدى بولىكتەردىڭ وتۋىنەن جاڭبىر جاۋادى، سولتۇستىكتە، شىعىستا، وڭتۇستىكتە نايزاعاي وينايدى. قازاقستان بويىنشا جەلدىڭ كۇشەيىپ، باتىستا، سولتۇستىكتە تۇمان، ال وڭتۇستىكتە، وڭتۇستىك-باتىستا شاڭدى داۋىل بولادى.
اقمولا وبلىسىنىڭ باتىسىندا نايزاعاي، تۇمان كۇتىلەدى. جەل وڭتۇستىك-باتىستان سولتۇستىك-باتىسقا اۋىسادى، وبلىستىڭ باتىسىندا، سولتۇستىگىندە، شىعىسىندا ەكپىنى 15-20 م/س. كوكشەتاۋ ق.: 24 ساۋىردە جەل وڭتۇستىك-باتىستان سولتۇستىك-باتىسقا اۋىسادى، كۇندىز ەكپىنى 15-20 م/س.
ماڭعىستاۋ وبلىسىنىڭ وڭتۇستىگىندە، شىعىسىندا، ورتالىعىندا شاڭدى داۋىل كۇتىلەدى. سولتۇستىك-شىعىستان سوعاتىن جەل وڭتۇستىك-شىعىسقا اۋىسادى، كۇندىز وبلىستىڭ وڭتۇستىگىندە، شىعىسىندا، ورتالىعىندا 15-20 م/س كۇتىلەدى.
استانادا ساۋىردە جەل وڭتۇستىك-باتىستان سولتۇستىك-باتىسقا اۋىسادى، كۇندىز ەكپىنى 15 م/س كۇتىلەدى.
باتىس قازاقستان وبلىسىنىڭ سولتۇستىك-باتىسىندا، شىعىسىندا تۇمان كۇتىلەدى.
سولتۇستىك قازاقستان وبلىسىنىڭ باتىسىندا، وڭتۇستىگىندە نايزاعاي كۇتىلەدى. وبلىستىڭ وڭتۇستىك-شىعىسىندا شاڭدى داۋىل. سولتۇستىك-باتىستان جەل سوعادى، تۇندە وبلىستىڭ سولتۇستىگىندە ەكپىنى 15-20 م/س، كۇندىز وبلىستىڭ باسىم بولىگىندە كۇشى 15-20 م/س، ەكپىنى 23-28 م/س. پەتروپاۆل ق.: 24 ساۋىردە سولتۇستىك-باتىستان جەل سوعادى تۇندە ەكپىنى 15-20 م/س، كۇندىز كۇشى15-20، ەكپىنى 23 م/س.
اتىراۋ وبلىسىنىڭ سولتۇستىگىندە تۇمان كۇتىلەدى. وڭتۇستىك-شىعىستان جەل سوعادى، كۇندىز وبلىستىڭ باتىسىندا، وڭتۇستىگىندە 15-20 م/س. اتىراۋ ق.: 24 ساۋىردە وڭتۇستىك-شىعىستان جەل سوعادى، كۇندىز ەكپىنى 15-18 م/س.
قوستاناي وبلىسىنىڭ شىعىسىندا، سولتۇستىگىندە نايزاعاي كۇتىلەدى. تۇندە وبلىستىڭ سولتۇستىگىندە تۇمان. سولتۇستىك-باتىستان جەل سوعادى، كۇندىز وبلىستىڭ سولتۇستىگىندە ەكپىنى 15-20 م/س.
پاۆلودار وبلىسىنىڭ شىعىسىندا، ورتالىعىندا نايزاعاي كۇتىلەدى. سولتۇستىك-باتىستان جەل سوعادى، ەكپىنى 15-20 م/س كۇتىلەدى. پاۆلودار ق.: 24 ساۋىردە كۇندىز نايزاعاي كۇتىلەدى. سولتۇستىك-باتىستان جەل سوعادى، ەكپىنى 15-20 م/س كۇتىلەدى.
قاراعاندى وبلىسىندا وڭتۇستىك-باتىستان سوعاتىن جەل سولتۇستىك-باتىسقا اۋىسادى، كۇندىز وبلىستىڭ سولتۇستىگىندە، شىعىسىندا ەكپىنى 15-20 م/س كۇتىلەدى.
اباي وبلىسىنىڭ سولتۇستىگىندە، باتىسىندا، ورتالىعىندا جەل وڭتۇستىكتەن سولتۇستىك-باتىسقا اۋىسادى، كۇشى 15-20، كۇندىز ەكپىنى 23 م/س. سەمەي ق.: 24 ساۋىردە وڭتۇستىكتەن سوعاتىن جەل سولتۇستىك-باتىسقا اۋىسادى، كۇندىز ەكپىنى 15-18 م/س.
شىعىس قازاقستان وبلىسىنىڭ سولتۇستىگىندە، باتىسىندا، ورتالىعىندا جەل وڭتۇستىك-ششىعىستان سولتۇستىك-باتىسقا اۋىسادى، كۇشى 15-20، كۇندىز ەكپىنى 23 م/س. وسكەمەن ق.: 24 ساۋىردە وڭتۇستىك-شىعىستان جەل سوعادى، كۇندىز ەكپىنى 15-18 م/س.
تۇركىستان وبلىسىنىڭ تاۋلارىندا نايزاعاي كۇتىلەدى. وبلىستىڭ سولتۇستىگىندە شاڭدى داۋىل. سولتۇستىك-شىعىستان جەل سوعادى، وبلىستىڭ سولتۇستىگىندە، تاۋلى اۋداندارىندا كۇشى 15-20 م/س.