جول ينفراقۇرىلىمىنىڭ ساپاسىن جاقسارتۋ ماقساتىندا بيىل اۋداندا جالپى ۇزىندىعى 28 كم بولاتىن 24 كوشەنى ورتاشا جوندەۋ جوسپارلانعانى تۋرالى الماتى قالاسىنىڭ اكىمى ە.دوسايەۆ بوستاندىق اۋدانى تۇرعىندارىمەن كەزدەسۋىندە ايتتى، دەپ حابارلايدى Almaty-akshamy.kz.
جۇمىستار مامىر ايىندا باستالىپ، قاراشا ايىندا اياقتالادى.
جىل باسىنان بەرى اۋدانى 1،7 مىڭ شارشى مەتر 20 كوشەدە شۇڭقىرلاردى جوندەۋ جۇمىستارى جۇرگىزىلدى. وسى باعىتتاعى جۇمىس جالعاسادى. جوعارىدا ايتىلعانداي، ورتالىقسىزداندىرۋ اياسىندا بيىلعى جىلدان باستاپ جولداردى اعىمداعى جوندەۋدى اۋدان اكىمدىكتەرى جۇرگىزەتىن بولادى. بوستاندىق اۋدانى بويىنشا 250 ملن تەڭگەگە جالپى اۋدانى 16،5 مىڭ شارشى مەتر جولدى جوندەۋ جوسپارلانعان، - دەيدى قالا اكىمى.
سونداي-اق ءال-فارابي داڭعىلىنداعى ەسەنتاي وزەنى ارقىلى وتەتىن كوپىر قايتا جاڭارتىلىپ، ەرەكشە قاجەتتىلىكتەرى بار ادامدار ءۇشىن 2 كوپىر مەن پاندۋستار ورناتىلادى. جۇمىستاردى ماۋسىم ايىندا باستاۋ جوسپارلانعان.