قازگيدرومەت دۇيسەنبىگە ارنالعان اۋا رايى بولجامىن جاريالايدى، دەپ حابارلايدى Almaty-akshamy.
ەل اۋماعىنىڭ باسىم بولىگىندە جاۋىن-شاشىنسىز اۋا رايى ساقتالادى.
كۇندىز وڭتۇستىك جانە وڭتۇستىك-شىعىس تاۋلى اۋدانداردا اتموسفەرالىق فرونتالدى بولىكتەردىڭ وتۋىمەن جاڭبىر جاۋادى، نايزاعاي كۇتىلەدى.
رەسپۋبليكا بويىنشا جەلدىڭ كۇشەيۋى، وڭتۇستىكتە شاڭدى داۋىل، وڭتۇستىك جانە وڭتۇستىك-شىعىستىڭ تاۋلى اۋداندارىندا بۇرشاق كۇتىلەدى.
الماتىدا كۇندىز اۋا تەمپەراتۋراسى +29 +31 دەيىن كوتەرىلەدى. كوشپەلى بۇلتتى، جاۋىن-شاشىنسىز اۋا رايى ساقتالادى.
كۇندىز جامبىل وبلىسىنىڭ تاۋلى اۋدانداردا نايزاعاي، بۇرشاق كۇتىلەدى، وبلىستىڭ سولتۇستىك-شىعىسىندا شاڭدى داۋىل، وبلىستىڭ سولتۇستىك-شىعىسىندا جانە وڭتۇستىك-باتىسىندا جەل 15-20 م/س كۇشەيەدى.
كۇندىز تۇركىستان وبلىسىندا نايزاعاي كۇتىلەدى، تاۋلى اۋدانداردا جانە باتىسىندا جەل 15-20 م/س كۇشەيەدى، باتىسىندا شاڭدى داۋىل بولادى. قىزىلوردا وبلىسىنىڭ ورتالىعىندا شاڭدى داۋىل بولادى، جەل 15-20 م/س كۇشەيەدى.
قاراعاندى وبلىسىنىڭ سولتۇستىگىندە جانە شىعىسىندا، كۇندىز قوستاناي وبلىسىنىڭ وڭتۇستىگىندە جەل 15-20 م/س كۇشەيەدى.
كۇندىز اتىراۋ، باتىس قازاقستان، اقتوبە وبلىستارىندا قاتتى ىستىق ساقتالادى، سولتۇستىك قازاقستان وبلىسىنىڭ باسىم بولىگىندە، ماڭعىستاۋ، قاراعاندى وبلىستارىنىڭ وڭتۇستىگىندە قاتتى ىستىق بولادى. ماڭعىستاۋ، باتىس قازاقستان، اتىراۋ، اقتوبە، قىزىلوردا، تۇركىستان، جامبىل وبلىستارىندا، الماتى وبلىسىنىڭ كەي جەرلەرىندە، قاراعاندى وبلىسىنىڭ وڭتۇستىك-باتىسىندا، قوستاناي، سولتۇستىك قازاقستان، شىعىس قازاقستان وبلىستارىنىڭ وڭتۇستىگىندە، اقمولا وبلىسىنىڭ وڭتۇستىك-باتىسىندا وتە جوعارى ءورت ءقاۋپى تۋىندايدى.