رەسپۋبليكا بويىنشا كەي جەرلەردە جەل كۇشەيەدى، وڭتۇستىكتە شاڭدى داۋىل كۇتىلەدى، وڭتۇستىك-شىعىستا بۇرشاق بولادى.
"قازگيدرومەت" 22 تامىزعا ارنالعان اۋا رايى بولجامىن جاريالادى، دەپ حابارلايدى Almaty-akshamy.kz ق ر دەنساۋلىق ساقتاۋ مينيسترلىگىنىڭ Telegram كانالىنا سىلتەمە جاساپ.
قازاقستان اۋماعىنىڭ باسىم بولىگىندە انتيسيكلون اسەرىنەن جاۋىن-شاشىنسىز اۋا رايى كۇتىلەدى. تەك رەسپۋبليكانىڭ سولتۇستىگىندە، كۇندىز باتىسى مەن وڭتۇستىك-شىعىسىنىڭ تاۋلى اۋداندارىندا اتموسفەرالىق فرونتالدى بولىكتەردىڭ وتۋىمەن نايزاعاي ويناپ، جاڭبىر جاۋادى. رەسپۋبليكا بويىنشا كەي جەرلەردە جەل كۇشەيەدى، وڭتۇستىكتە شاڭدى داۋىل كۇتىلەدى، وڭتۇستىك-شىعىستا بۇرشاق بولادى. قىزىلوردا وبلىسىنىڭ وڭتۇستىك-شىعىسى مەن وڭتۇستىگىندە تۇندە، كۇندىز باسىم بولىگىندە جەل 15-20 م/س دەيىن كۇشەيەدى، داۋىل بولادى. تۇركىستان وبلىسىنىڭ باتىسىندا جانە تاۋلى اۋداندارىندا جەل 15-20 م/س، شاڭدى داۋىل بولادى. كۇندىز جامبىل وبلىسىنىڭ تاۋلى اۋداندارىندا نايزاعاي، بۇرشاق، سولتۇستىك-شىعىسىندا شاڭدى داۋىل، سولتۇستىك-شىعىسى مەن وڭتۇستىك-باتىسىندا 15-20 م/س جەل بولادى. پاۆلودار وبلىسىنىڭ سولتۇستىگىندە جانە سولتۇستىك-باتىسىندا، كۇندىز باتىس قازاقستان وبلىسىنىڭ باتىسىندا نايزاعاي، 15-20 م/س جەل بولادى. كۇندىز اقمولا وبلىسىنىڭ سولتۇستىك-شىعىسىندا، سولتۇستىك قازاقستان وبلىسىنىڭ شىعىسىندا نايزاعاي كۇتىلەدى. قاراعاندى وبلىسىنىڭ وڭتۇستىگىندە 15-20 م/س جەل كۇتىلەدى. كۇندىز اتىراۋ، باتىس قازاقستان، اقتوبە وبلىستارىنىڭ باسىم بولىگىندە وتە قاتتى ىستىق ساقتالادى، ماڭعىستاۋ، قوستاناي وبلىستارىنىڭ وڭتۇستىگىندە، اقمولا، سولتۇستىك قازاقستان وبلىسىنىڭ وڭتۇستىك-باتىسىندا قاتتى ىستىق بولجانادى. قىزىلوردا، تۇركىستان، ماڭعىستاۋ، اتىراۋ، جامبىل، اقتوبە، باتىس قازاقستان، الماتى وبلىستارىنىڭ باسىم بولىگىندە، قاراعاندى وبلىسىنىڭ كەي جەرلەرىندە، قوستاناي، شىعىس قازاقستان وبلىستارىنىڭ وڭتۇستىگىندە، اقمولا وبلىسىنىڭ جەكەلەگەن اۋداندارىندا توتەنشە ءورت ءقاۋپى ساقتالادى.