بۇرشاق، نايزاعاي، نوسەر جاۋىن بولادى.
«قازگيدرومەت» ماماندارى 21 ءساۋىر، بەيسەنبى كۇنى ەل اۋماعىندا اۋا رايى قانداي بولاتىنىن جاريالادى، دەپ حابارلايدى Almaty-akshamy.kz.
قازاقستاننىڭ باسىم بولىگىنە اتموسفەرالىق فرونتتار اسەر ەتەدى.
سالدارىنان جاڭبىر جاۋادى، وڭتۇستىكتىڭ تاۋلى اۋداندارىندا جانە سولتۇستىكتە قاتتى جاۋىن-شاشىن جاۋادى.
رەسپۋبليكا بويىنشا جەل كۇشەيەدى، سولتۇستىكتە تۇمان ءتۇسىپ، وڭتۇستىكتە نايزاعاي وينايدى، بۇرشاق جاۋىپ، داۋىل تۇرادى.
تۇندە اقمولا وبلىسىنىڭ سولتۇستىگىندە، وڭتۇستىگىندە، كۇندىز باسىم بولىگىندە جەل 15-20، كۇندىز سولتۇستىگىندە، شىعىسىندا ەكپىنى 23 م/س، سولتۇستىك-باتىسىندا، شىعىسىندا تۇمان تۇسەدى.
قاراعاندى وبلىسىندا جەل ەكپىنى 25 م/س دەيىن كۇشەيەدى.
سولتۇستىك قازاقستان وبلىسىندا كۇندىز جەل قارقىنى 25 م/س جەتەدى.
الماتى وبلىسىنىڭ تاۋلى اۋداندارىندا بۇرشاق جاۋىپ، داۋىل سوعادى. نايزاعاي كەزىندە جەلدىڭ كۇشى - 17-22 م/س. الاكول اۋماعىندا جەل 25 م/س دەيىن كۇشەيەدى.
جامبىل وبلىسىنىڭ تاۋلى اۋداندارىندا بۇرشاق جاۋىپ، داۋىل تۇرادى.
شىعىس قازاقستان وبلىسىنىڭ سولتۇستىك-باتىسىندا، سولتۇستىگىندە جەل ەكپىنى - 15-20 م/س.
پاۆلودار وبلىسىنىڭ وڭتۇستىگىندە سەكۋندىنا 15-20 مەتر جىلدامدىقپەن كۇشتى جەل تۇرادى.
قوستاناي وبلىسىنىڭ سولتۇستىك جارتىسىندا تۇمان تۇسەدى، كۇندىز سولتۇستىكتە، شىعىستا جەل قارقىنى 15-20 م/س جەتەدى.
تۇندە جانە تاڭەرتەڭ ماڭعىستاۋ وبلىسىنىڭ باتىسىندا جەلدىڭ كۇشى - 15-20 م/س.
باتىس قازاقستان وبلىسىنىڭ سولتۇستىگىندە جەل ەكپىنى 15-20 م/س دەيىن كۇشەيەدى.
باتىس قازاقستان وبلىسىنىڭ وڭتۇستىگىندە، اقتوبە وبلىسىنىڭ سولتۇستىگىندە، ورتالىعىندا توتەنشە ءورت ءقاۋپى ساقتالادى.