امستەردام، باسرا، جاڭا ورلەان، ۆەنەسيا، حوشيمين جانە كالكۋتتا قالالارىن سۋ باسۋى مۇمكىن
كليماتتىڭ وزگەرۋىنەن الداعى ون جىلدا الەمنىڭ ءار تۇكپىرىندەگى التى قالا سۋ استىندا قالۋى مۇمكىن. بۇل تۋرالى Climate Central تاۋەلسىز ۇيىمىنىڭ دەرەكتەرىنە سۇيەنە وتىرىپ The India Times باسىلىمى مالىمدەدى، دەپ حابارلايدى Almaty-akshamy.kz.
اتالعان ۇيىم كليماتتىڭ وزگەرۋى جونىندەگى ۇكىمەتارالىق ساراپشىلار توبىنىڭ مالىمەتى نەگىزىندە وزدەرىنىڭ بولجام كارتاسىن جاساپ شىققان.
باسىلىمنىڭ جازۋىنشا، امستەردام قالاسى تەڭىز سۋىنىڭ كوتەرىلۋىنەن ءبىرىنشى بولىپ سۋ استىندا قالۋى مۇمكىن. ودان كەيىنگى كەزەكتە باسرا قالاسى تۇر. ول يراكتاعى ءشاتت-ال-اراب وزەنىنىڭ جاعاسىندا ورنالاسقان. The India Times باسىلىمىنىڭ تۇسىندىرۋىنشە، قالانىڭ اينالاسى سۋلى-باتپاق. سونداي-اق اقش-تىڭ لۋيزيانا شتاتىنداعى جاڭا ورلاەن قالاسىنا دا سۋ استىندا قالۋ ءقاۋىپى ءتونىپ تۇر. ءتىزىمنىڭ ءتورتىنشى كەزەگىندە ۆەنەسيا ورنالاسقان. يتاليانىڭ بۇل قالاسىندا جەر دەڭگەيى جىل سايىن 2 مم تومەندەپ وتىرادى ەكەن. ودان كەيىن ۆەتنامنىڭ حوشيمين قالاسى تۇر. بولجامعا سايكەس قالانىڭ شىعىس اۋدانىن جاقىن ماڭداعى مەكونگ وزەنى باسىپ قالادى. سونىمەن قاتار ءۇندىستاننىڭ كالكۋتتا قالاسى دا سۋ استىندا قالادى دەپ بولجاندى.
The India Times باسىلىمىنىڭ پايىمداۋىنشا، بۇل ءتىزىمدى قۇرۋعا قورشاعان ورتانىڭ لاستانۋىنىڭ قازىرگى تراەكتورياسى نەگىز بولعان.