بۇل تۋرالى ۇكىمەت وتىرىسىندا ق ر ونەركاسىپ جانە قۇرىلىس ءمينيسترى قانات شارلاپايەۆ باياندادى.
2024 جىلى 64 مىڭ ازاماتتىڭ تۇرعىن ءۇي جاعدايىن جاقسارتۋ ماقساتىندا تۇرعىن ءۇي قۇرىلىسىنا 1 ترلن تەڭگەدەن استام قاراجات ءبولىندى، دەپ حابارلايدى Almaty-akshamy.kz ق ر ونەركاسىپ جانە قۇرىلىس مينيسترلىگىنىڭ باسپا ءسوز قىزمەتىنە سىلتەمە جاساپ.
ەلىمىزدەگى جالپى تۇرعىن ءۇي قۇرىلىسىن الساق، سوڭعى 5 جىلدا تۇرعىن ءۇي قۇرىلىسىنا 12 ترلن تەڭگەدەن استام ينۆەستيسيا تارتىلىپ، 78،5 ملن ش. م. جاڭا تۇرعىن ءۇي پايدالانۋعا بەرىلدى. وسىلايشا، بارلىق قارجىلاندىرۋدىڭ كوزدەرى ەسەبىنەن 695 مىڭ وتباسى تۇرعىن ءۇي جاعدايلارىن جاقسارتتى.
«2030 جىلعا قاراي، قارجىلاندىرۋدىڭ بارلىق كوزدەرى ەسەبىنەن 111 ملن ش. مەتر تۇرعىن ءۇي سالۋ جانە 1 ملن-نان استام وتباسىن جاڭا تۇرعىن ۇيمەن قامتاماسىز ەتۋ جوسپارلانىپ وتىر»، – اتاپ ءوتتى مينيستر.
2024 جىلى ەكونوميكالىق ءوسۋدى قامتاماسىز ەتۋ جونىندەگى ءى ۇكىمەتتىڭ ءىس-قيمىل جوسپارىنا سايكەس، تۇرعىن ءۇي قۇرىلىسى كولەمى ازاماتتاردى تۇرعىن ۇيمەن قامتاماسىز ەتۋ بويىنشا قوسىمشا شارالاردى ەنگىزۋمەن 15،5-تەن 18 ملن-عا دەيىن ۇلعايدى.
سونىمەن قاتار قانات شارلاپايەۆ سۋ تاسقىنىنان زارداپ شەككەن ازاماتتاردى باسپانامەن قامتاماسىز ەتۋ شارالارى تۋرالى ايتتى. بۇل كەلەسى مەحانيزمدەر: اكىمدىكتەرمەن دايىن پاتەرلەر ساتىپ الۋ، زارداپ شەككەن ازاماتتاردىڭ بەكىتىلگەن جوباعا سايكەس ءوز قالاۋىمەن باسپانا تاڭداۋى، اكىمدىكتەرمەن جوندەۋ جۇمىستارىن جۇرگىزۋ نەمەسە ولاردىڭ شىعىندارىن وتەۋ.
مينيستر ساياجاي يەلەرى، ەگەر بۇل ولاردىڭ جالعىز باسپاناسى بولسا، ولاردى باسپانامەن قامتاماسىز ەتۋ، سونداي-اق قيراعان ۇيگە قۇقىق بەرەتىن قۇجاتتارى بولماعان جاعدايدا باسپانا بەرۋ تۋرالى ايتتى.
قۇرىلىس جۇمىستارى اياقتالىپ، تۇرعىن ءۇي ساتىپ الىنعانشا زارداپ شەككەن ازاماتتار ۋاقىتشا باسپانامەن قامتاماسىز ەتىلەدى. ءوز كەزەگىندە، زارداپ شەككەن ازاماتتار ءۇشىن قولدانىستاعى نورمالار مەملەكەتتىك تۇرعىن ءۇي قورىنان تۇرعىن ءۇي بەرۋ تەتىكتەرىن، سونداي-اق ءوز بەتىنشە قۇرىلىس جانە جوندەۋ جۇمىستارىن جۇرگىزگەنى ءۇشىن تولەمدەردى قاراستىرادى.