1 033 اۋرۋحانا مەن ەمحانانى كۇردەلى جوندەۋ جوسپارلانعان
دەنساۋلىق ساقتاۋ مينيسترلىگىنىڭ ينۆەستيسيالىق جوبالار دەپارتامەنتى ديرەكتورىنىڭ مىندەتىن اتقارۋشى ءامينا جەماكيشيەۆا ورتالىق كوممۋنيكاسيالار قىزمەتىندە وتكەن ساراپتامالىق بريفينگتە ەلىمىزدە سالىناتىن مەديسينا ورتالىقتارى تۋرالى ايتتى، دەپ حابارلايدى Almaty-akshamy.kz Zakon.kz-كە سىلتەمە جاساپ.
ەسكىرگەن ينفراقۇرىلىممەن جانە اسىرەسە اۋىلدىق دەڭگەيدەگى مەديسينالىق-سانيتارلىق العاشقى كومەككە قول جەتىمدىلىكپەن بايلانىستى نەگىزگى پروبلەمالىق ماسەلەلەردى دەنساۋلىق ساقتاۋ ينفراقۇرىلىمىن دامىتۋدىڭ وڭىرلىك جوسپارلارىن ىسكە اسىرۋ شەڭبەرىندە كەزەڭ-كەزەڭىمەن شەشۋ جوسپارلانىپ وتىر.
«2030 جىلعا دەيىن وڭىرلىك دامۋ جوسپارلارى اياسىندا 972 مساك نىسانىن، اۋداندىق، قالالىق جانە وبلىستىق دەڭگەيلەردە 35 جاڭا اۋرۋحانا سالۋ جانە اشۋ، سونداي – اق جۇمىس ىستەپ تۇرعان 1 033 اۋرۋحانا مەن ەمحانانى كۇردەلى جوندەۋ جوسپارلانعان»، - دەدى ءامينا جەماكيشيەۆا.
ينۆەستيسيالىق جوبالار دەپارتامەنتى ديرەكتورىنىڭ مىندەتىن اتقارۋشى سالىنعان نىساندار بارلىق وڭىردەگى حالىققا جوعارى تەحنولوگيالىق، بىلىكتى، مامانداندىرىلعان جانە شۇعىل مەديسينالىق كومەك كورسەتۋدىڭ قولجەتىمدىلىگىن، تيىمدىلىگى مەن ساپاسىن ارتتىرۋعا مۇمكىندىك بەرەتىنىن جەتكىزدى.
سونىمەن قاتار «ءار ازامات ءۇشىن ساپالى جانە قولجەتىمدى دەنساۋلىق ساقتاۋ، دەنى ساۋ ۇلت» ۇلتتىق جوباسى اياسىندا نۇر-سۇلتان جانە الماتى قالالارىندا 20 دەنساۋلىق ساقتاۋ وبەكتىسىن جانە 2 عىلىمي-يننوۆاسيالىق ورتالىقتى سالۋ جانە جاڭعىرتۋ كوزدەلگەن.